MATTHE 27:52 - Cho Bible Common Language 2016

⁵² Ng’cim hmun gui ng’hmawng sei Khanpughi ah chang gui akda tho law ba ci gui.

MATTHE 27:52 Referans Kwoze

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

1 THESSALONIAN 4:14

Bawipa Jesuh cu sih nak ungka tho ba ci, cicu mi yum ci; acun ah mäih ah Bawipa Jesuh ayum kawn ah sik ciah chang gui cu Khanpughi naw, Bawipa awn a täng ah khäm ba gui khai cicu mi yum ci.

1 KORIN 15:20

Cun ung phi akcang cu Bawi Khrih cu sih nak ungka tho ba pyi ci, cun cu sih nak ung ip ciah chang gui ami thawh ba vai ah mawng ang kyän nak ah kyak ci.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

1 THESSALONIAN 5:10

Ani a kyum law ba hnüüp ung, sih ung phi bäi, ghin ung phi bäi, ani awn a täng ah om vai ah Bawipa cu mikmi ah hmawk ah si pyi ci nei.

1 KORIN 15:51

Ngai vä, thuuk ne ng’düng ciah mawng cu ka ning m’thein gui khai.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

1 KORIN 11:30

Cun ah kyasei nangmi ung gaw ci akda, ak thagui ken ci akda, sik ci akda om ci.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

2 GHANGPUGHANG GUI 13:21

Hnü ät ung gook ami htüm phuh yah ung chang gui naw Moabit gakap bum ät cu hmu u neta, gook cu Elisha ah phuh hmun kyong ah yuk ghawt neta dawng ci gui. Gook cu Elisha ah guh awn ani hli vai am, cun ah chang cu ghing law ba ne, tho ne ng’düi ci.

JOHAN 11:11

Bawipa Jesuh cu cun ah a pyein kawn ah, “Mi teihpüi Lazaruh cu ip ci nei, ani kam tho ba khai ah ka hteit khai” cik ci.