MATTHE 27:51 - Cho Bible Common Language 2016

⁵¹ Cun yah ung pum im kyong ah ami m’cha nak ah khingyih cu khan mawng ah kaa naw ka mawng ah khüt khai ah hnih ah ng’bou ne teek ci. Shihpi thüng ci, lung song gui piawn ne kya lawk ci gui.

MATTHE 27:51 Referans Kwoze

MAKUH 15:38

Acun vai-am pum im kyong ah ami yai ah yih cu vang mawng ah kaa vang mawng ah khüt khai ah hnih ah teek ne ng’chak ci.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

LUKA 23:45

Taigüim kyong ah ami yai ah yih phi hnih ah teek ne ng’chak ci.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

ISAIAH 25:7

Shin ung chang pakhui van ah khan ah ng’bat ciah thüisei nak khomei cu ani naw ang ghit ah heng khai.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

HEBRU 9:3

Acun ah hnu lam yihdung awn shung nak, khophung ah ma bäih ah, “Ak Theing Säih Hmun,” cu om ci.

HABAKKUK 3:10

Khomhtung gui naw ami ning hmuh ung ng’thüng ci gui, khomik ungka tui phu ne kya lawk ci. Khomdek ah kaa ah tui gui gaai ci gui, ami tui hnawk gui ak hlüng tho lawk ci.

2 SHONTÄP NAK 3:14

Atheing Pikbäih Hmun ah phäh ah ami pyan ah zihdung cu linen la a päng awn pyang ne amkim, amvaw la asen gui awn so ne Cherubim gui ah gup pyang ne ami pyan ah kyak ci.

TAIGÜTHUM 21:23

Cun ung phi pumsa ung kä küm ciah chang läi cu, theing ciah yihdung pei ah kä a law vai, sonkiang ah pei ah phi kä a ng’et vai. Shin ah theingcim ci gui cu ani naw kä ang lat sak en vai, a i ah kyasei ci ung kei cu Bawipa, kei naw ka theingcim sak ci.”

HABAKKUK 3:13

Na chang gui na hun gui khai ah na hteit ci, na ghü ah ghangpughang phi na hun khai, changshe gui ah ami ng’vai gui cu nang naw hniim ne, ani läk ci gui cu na m’di yawp ci.

SAM 18:15

Bawipa, na gaa gui cu hawh gui ne, m’lungshe ne na m’ngawn gui ung tuinu ah ka ng’lei cu dang ne, m’dek ah khan cu ng’hmawng ci.

SAM 18:7

Khanpughi cu m’lung she sei, khomdek thüng ne, khomhtung ng’nawi gui cu ng’hlet ne ng’ng’tum ci gui.

TAIGÜTHUM 16:2

Ani naw “Na nau Aaron am na m’thein ba vai, ani cu yihdung ah ak um a theingcim nak pikbäih ung amät ah khin bäng ung a hteh vai, a i ah kyasei ci ung cun ung, Thumkhän M’küm ah a khüm ah khan ung, khongmei ung kei cu ka ng’dang ci. Ani naw kä a ngaih ah a kyak ung ani cu ngawn vai kyak khai nei.

PHYAWN NAK 40:21

Cun kawn ah Thumkhän M’küm cu phung kyong ah tha neta, yihdung cu hei bat ci. Bawipa ah thumkhän ah mäih ah ani naw Thumkhän M’küm cu shungshet ci.

KHEI NAK 4:5

Bawipa naw Moses am shin ah m’shümthein nak gui cu pek ci. Phung phyet nak vai ah a khin a gawk law ung, Aaron la a hta gui cu Phung ung lut u neta, Thukhän M’küm ah ma ungka yihdung cu la ne, acun awn M’küm cu ami uk vai.

LUKA 23:47

Acun gui cu gakap bawi naw hmu netah, “Shin ah chang cu akcang ah, changni chang khän ah kyak ci, cine Khanpughi m’hlüngtai ci.