MATTHE 27:5 - Cho Bible Common Language 2016

⁵ Cun kawn ah Judas cu Pum im kyong ah tangka thumkip cu ghawt shüt netah hteit ba ci. Cun kawn ah a hei lam ah hteit netah gui awn ng’awk ne sik ci.

MATTHE 27:5 Referans Kwoze

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

LUKA 1:21

Cun ah khin pum ung Zechariah cu chang gui naw ging law yai u netah, a i haw ne shin güt leng leng pum im kyong ah a ding ang? ci ne cäicat ci gui.

LUKA 1:9

Taigü gui ah thung man ah mangkiang ung phyuh vawi khai ah ghü u sei, Bawipa ah Taigüim ah hteit ci.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

JOB 7:15

Kei cu shin ah mäih ah pumsa geinvai ne ka ghin ah k’dam k’hteeu ne ami na ngawn ung bä khai ah ka ngai ci nei.

JOB 2:9

Akchu naw pyen nak ci, “Nang cu ayan ä kaa ah mäih ah na bekhüt ci, a i ah kyasei Khanpughi kä tam plah ne kä na sih ang?”

1 GHANGPUGHANG GUI 16:18

Zimri naw mang gaw angkiak cu hmu neta mangim ah akyong lungung ah lut ne, mangim cu mei awn m’khih neta mei ung lutne sik ci.

SUKI GUI 9:54

Ani naw ang ghit ah ani ah li-chim kawt ciah chang nong tumat cu khü neta, “Na khim yu phawng ne, na ngawn ä. Hnumi naw ana ngawn ah chang naw a pyen vai kä ka ng’ya hlük ci nei” cik ci. Cun ah kia khäta chang nong naw k’dauh sei ani cu sik ci.

MATTHE 26:61

Ak hnu ah chang hnih cu ng’düi law ni netah, “shin ah chang naw, kei naw Khanpughi ah pum im cu, gäi netah, hnüüp thum ah kyong ung ka cou ba hning ci cik ci nei, cine saksi ci goi.

MATTHE 27:6

Taigüpa naw cun ah tangka cu kaw netah, “shin cu sikplai ngui ah kyak ci, mi thukhän awn hnung tuk ci kyasei, pum im ngui m’küm ung käm dawn tu vai,” cik ci.