MATTHE 27:46 - Cho Bible Common Language 2016

⁴⁶ Kho k’awi nu nayi thum akhin ung Bawipa Jesuh cu, “Eli. Eli, Lama sabachthani,” cine ng’shan sei m’lau ci. Acun cu “Ka Khanpughi a i ah kyasei kei na na nawng ang” cine a pyein ah kyak ci.

MATTHE 27:46 Referans Kwoze

SAM 22:1

Ka Khanpughi, ka Khanpughi, a i ah kyasei na na nawng ang? Kei cu na na m’htei vai ah kyap ne ka ng’khü ci nei, cun ung phi a i kä dang lawk ci nei.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

MAKUH 15:34

Kho k’awi nayi thum ah khin ung Bawipa Jesuh cu, “Eloi, Eloi, lema sabachthani?” cine m’lau ci. Cun cu, “Ka Khanpughi, Ka Khanpughi, a i ah kyasei kei na na nawng nei” a ciah kyak ci.

SAM 71:11

Ngami naw, “Ani cu Khanpughi naw nawng ci nei; k’tääm ne mi pha kaw, ani gung khai a u kä om ci nei” cik ci gui.

LUKA 23:46

Bawipa Jesuh cu, “Aw Kapa, Na kut ung Ka Mumcha ka ning ap ci nei” cine m’lau netah kät lawk ci.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

MATTHE 27:47

A pei ah ng’düi ciah chang gui naw cun a cicu ng’ya u netah, “Eliah cu khü ci nei,” cik ci gui.