MATTHE 27:4 - Cho Bible Common Language 2016

⁴ Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

MATTHE 27:4 Referans Kwoze

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

LAMKTU 13:28

Ani ngawn nak vai ah katnak a i kä om pang sei phi, ani cu ngawn vai ah Pilat bawi ah k’thäh ci gui.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

LUKA 23:47

Acun gui cu gakap bawi naw hmu netah, “Shin ah chang cu akcang ah, changni chang khän ah kyak ci, cine Khanpughi m’hlüngtai ci.

LUKA 23:41

ni mät ah katnak awn ni mät ni hteit ciah kyak ci, cun ung phi a ni cu a i phi akat nak kä om ci nei” cine pyen nak ci.

LUKA 23:22

Pilat naw, “Ani naw a i katnak ang a bi? Ani ngawn nak vai ah katnak tumat phi kä ka hmuk ci. Cun ah kyasei ani cu htung awn that ne m’cäi netah ka tüi ba khai” cine ak thum vei nak ah pyein ci.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

MATTHE 27:19

Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

JONAH 1:14

Cun ah kya khäta ngami cu Bawipa ah m’lau ci gui, “O Bawipa, kami taigü ci nei, Shin ah chang ah hnungui na lak nak vaisü awn keimi sih nak ung kä na m’kyuk en gui ä! Nang Bawipa cu shin gui avan na bi hning ci nei. Shin cu nang ah bi ah kyak ci nei.”

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

2 GHANGPUGHANG GUI 24:4

aktung pi ah ani naw chang ni gui avan a ngawn gui ah phäh ah kyak ci. Cun ah phäh ah Bawipa naw Manasseh cu kä m’geinsei ci.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

1 SAMUEL 15:30

Saul naw, “Kei ka hma ci nei” ci ba ci. Cun ung phi ka chang gui ah ami ng’vai gui la Israel chang avan ah ma ah, chang m’sui nak bawta na m’dang pe ä. Kei awn a täng ah hteit tu ba ä, cun ung kei naw Bawipa na Khanpughi cu ka khawihna hlawt khai” cik ci.

1 SAMUEL 15:24

Saul naw, “Ä, kei ka hma ci nei. Kei naw Bawipa ah thumkhän la nang ah m’shümthein cu kä ka läk ci nei. Kei naw ka chang gui cu ka kyih gui ci, ngami naw ami ng’yak hlü bik ci gui.

PHYAWN NAK 12:31

A cun ah mü ung ghangpughang naw Moses la Aaron cu khü goi neta, “Hteit vä, nang la na Israel chang gui! Ka khaw hteh ta vä, nami k’thäh ah mäih ah hteit ne Bawipa cu khawihnah vä.

PHYAWN NAK 9:27

Ghangpughang naw Moses la Aaron ah chang tüi ne, “Tuhbäi kei cu ka hma ci nei, Bawipa cu hman ci nei, kei la ka chang gui cu kami cheishoh ci nei.

THU PHLAAN 11:10

Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

JOB 13:4

Nang naw chang k’ni ah na kyak nak cu na hleei awn na shung ci; Nang cu a u phi kä m’gai hlawt ciah seibawi awn na täng ci.

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

SAM 94:21

Ngami naw changni cu huut ne hnu na u ne, akat nak kä om cicu m’sih ci gui nei.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.