MATTHE 27:29 - Cho Bible Common Language 2016

²⁹ Cun kawn ah ng’hling awn sak ah lukhu cu k’bün ci gui. Htung tawn tumat cu ak pat lam kut ung pek ci gui. Cun kawn ah ama ah m’khuukdoong u netah, “Jew ghangpughang cu ghi ne ghing sä,” cine päipih ci gui.

MATTHE 27:29 Referans Kwoze

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.

MATTHE 27:37

“Shin cu Jesuh, Jew Chang gui ah ghangpughang nei” ciah ca gu ne tai ci gui.

MATTHE 26:49

Judas cu Bawipa Jesuh ah yäih ne dawng law netah “Bawipa Zeikiai nak om sä,” cine Bawipa Jesuh cu m’hnam ne ng’ui ci.

JEREMIAH 20:7

Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

SAM 69:7

Nang ah hmawk ah kei cu na päipih ci gui, kei cu thui ng’a nak naw na shung ci.

MAKUH 15:17

Cun kawn ah Bawipa Jesuh-am sui asen hlui bäng m’sui u ne, ng’hling lukhu k’bün u netah,