MATTHE 27:22 - Cho Bible Common Language 2016

²² Pilat naw, “Cun ah a kyak ung Messiah ami ciah Jesuh cu a i ah ci vai ang,” cine ng’shi gui ci. Chang ami van naw, “Kutlamtung ung tai ne ngawn vai nei,” cik ci gui.

MATTHE 27:22 Referans Kwoze

LAMKTU 13:38

Phäi nau gui aw, nang mi am ning hmat sak gui hlü cu; Bawipa Jesuh awn katnak m’gein nak ah mawng ning m’thein nak gui la Ani yum ciah chang phung cu Moses ah thukhän naw kä ak phiawn hlawt ah hmakat nak nüng ung phiawn nak gah ci, ciah kyak ci.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

MAKUH 14:55

Taigüpa gui la kawngsi yung bawi gui naw Bawipa Jesuh ngawn nak hning ah katnak saksi cu k’tha na ne shui ne phi kä hmuk ci gui.

MATTHE 27:17

Cun ah kyasei chang gui akda gawk law u khätah Pilat naw, “Nangmi naw a u ang k’phiawn vai nami ng’yak hlü, Jesuh Barabbas ang? Messiah ami ciah Jesuh ang?” cine ng’shi gui ci.

MATTHE 1:16

Jakob ah hta cu Mari ah cei Josef ah kyak ci. Mari cu Messiah ah ming ciah Jesuh ah anu ah kyak ci.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

JOB 31:31

Kei ah bii bik ciah chang gui ami van naw hmat khai gui nei, chang hei nu gui phi ak phlut ah ka dou gui ci nei.

MATTHE 27:21

Pilat naw, “shin ah chang sing goi ung kaa, a u ang k’phiawn vai nami ng’yak hlü?” cine ng’shi gui ci. Chang gui naw, “Barabbas cu k’phiawn vai nei,” cik ci gui.

MATTHE 27:23

Pilat naw, “Ani naw a i katnak ang a bi?” cine ng’shi guici. Cun ung phi chang gui naw, “Kutlamtung ung tai ne ngawn vai nei,” cine ami k’aw m’can ne m’lau ci gui.

JOHAN 4:25

Cun ah hnumi naw, “Messiah Bawipa a gawk law vai cu, ka hmat ci, ani a gawk law ung a päng avan nam thein gui khai” cine pyein ci.

LAMKTU 13:28

Ani ngawn nak vai ah katnak a i kä om pang sei phi, ani cu ngawn vai ah Pilat bawi ah k’thäh ci gui.