MATTHE 27:2 - Cho Bible Common Language 2016

² Cun kawn ah Bawipa Jesuh cu khit netah, Roman bawi Pilat ah hteh püi ci gui.

MATTHE 27:2 Referans Kwoze

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

MATTHE 20:19

Ngami naw ani cu ngawn vai ah k’bäi u netah changpakhui hei gui-am ap khai gui. Chang pakhui hei gui naw ani cu päipih u ne, htung awn that u netah, kutlam tung ung tai ne ngawn khai gui nei. Cun ung phi chang ah Htapa cu ak hnüüp thum hnüüp ung sih nak ungka tho ba khai nei,” cine pyein ci.

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

LUKA 13:1

Cun yah ung chang amshah gui cu Bawipa Jesuh ah law u ne, Khanpughi ah ami taigü yah ung Pilat naw a ngawn gui ah Kalile chang gui ah a mawng pyein lawk ci gui.

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

LAMKTU 28:20

Cun ah kyasei nangmi awn ng’hmuh vai ah ka k’tha nak ah kya ci. Kei shin ah m’si gui, gui awn ami na khih cu, Israel chang gui naw, mi ngäng ah Bawipa ah hmawk ah kyak ci” cine pyein ci.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

LAMKTU 22:29

Acun vai-am Paul cu ng’shica ng’thumcha tuk khai ah chang gui phi ng’hlat ba yawp ci gui. Paul cu Roman changpa ah a kyak ah mawng la ani m’sii gui awn pin ne ami khih ah mawng cu hmat netah, gakap ng’vaipi cu ang htei ah kyikyawk ci.

LAMKTU 22:25

Ani cu tukthah vai ah pin ne ami khih yah ung Paul naw a pei ah ng’düi ciah gaakap bawi ah ma ah, “Roman chang pa tumat, kä ng’shica, kä ng’thumcha ah, tukthah vai cu, thukhän nawn ng’bääi ne ang?” cine ng’shik ci.

LAMKTU 21:33

Cun yah ung gaakap bawi gawk law ne Paul cu pha sak gui ne, m’si gui k’hnih awn pha ne khih sak gui ci. Cun kawn ah Paul cu a u chang ah a kyak la a i katnak a bi ah ng’shi k’ca gui ci.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

JOHAN 18:24

Cun kawn ah Annas naw khit gäk gäk ne, Taigü Tung Kaiaphas ah hteh püi sak gui ci.

JOHAN 18:12

Gabawi ah khawng Roman gakap gui la, im ngäng ciah Jew chang gui naw, Bawipa Jesuh cu pha ne khit u netah, Annas ah hteh püi ci gui.

LUKA 20:20

Cun ah kyasei ngami naw ami phaa nak vai ah m’kawt cu shui ci gui. Ang thu a hma law ung Roman bawi-am pha ne ap vai ci ne, chang k’ni ah ng’shei ciah chang gui cu Bawipa Jesuh ah tüi ne ng’shi sak ci gui.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

MATTHE 28:14

Cun ah mawng cu Pilat bawi naw ang yak ba ung nangmi kä aning gen gui vai ah, keimi naw kami pyein khai nei,” cine m’cäi gui ci gui.

LUKA 23:1

Phak ciah chang gui ami van ng’düi law u ne, Bawipa Jesuh cu Pilat bawi ah hteh püi ci gui.

LUKA 23:12

Herod la Pilat cu a yan ani ng’gen tu man pang ung phi, cun ah hnüüp ung ng’khawt ba ci goi.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

SUKI GUI 15:12

Ngami naw, “Nang kami ning khit khai ah shin ung kami lawk ci nei, cun kawn ah ngami am kami ning ap khai nei” cik ci gui. Samson naw, “Nami mät naw kä nami na ngawn vai ah mawng thumkhän na pe vä” cik ci.