MATTHE 27:19 - Cho Bible Common Language 2016

¹⁹ Pilat cu ng’thumcha nak yung ah a ngoh yah ung akchu naw chang tumat tüi law ne, “Cun ah katnak kä bik ciah chang cu, a i ah phi kä na ci-en vai nei, yanmü kang mang ung ani ah phäh ah kam lung kyong ang htei ah yaica ci nei,” cine pyein law sak ci.

MATTHE 27:19 Referans Kwoze

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

1 PETER 2:22

Bawipa kä sheka man ci, a hleei a pyein phi u naw kä ng’ya man ci.

JOHAN 19:13

Cun ami cicu Pilat naw ng’ya netah, Bawipa Jesuh cu ak pung ah luh law püi ba netah, lung ami pyan ah bawi ah ngoh nak ung ngok ci. (Cun ah cu Hebrew ng’thu awn Gabbatha) ah pyein ci gui.

LUKA 23:47

Acun gui cu gakap bawi naw hmu netah, “Shin ah chang cu akcang ah, changni chang khän ah kyak ci, cine Khanpughi m’hlüngtai ci.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

MATTHE 2:22

Cun ung phi Judea kho ung Archelaus cu apa Herod ah hnün ung ghangpughang ah ngoh ba ne om ci. Acun cu ng’ya netah Josef cu Judea kho ah a hteh ba vai ah kyik ci. Cun ah kyasei ani cu Khanpughi naw ang mang ung ak phlan ah mäih ah Kalile kho ah hteit ne,

MATTHE 2:19

Herod asih kawn ah Khanpughi ah khankho chang naw, Ejip kho ah Josef ah ih mang ung,

MATTHE 1:20

Cun ah a ngaih-tüh sang ung Khanpughi ah khankho chang naw, a ih mang ung, “David ah hta ng’shon Josef aw, Mari nakchu nak vai ah mawng cu kä na ng’ä ng’ai vai nei, ani cu Mumcha Theing naw vang na sei, käü mah ciah kyak ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

ATÜNNAK 31:29

Kei naw nang cu ka ning m’di hning ci, cun ung phi zan mü napa ah Khanpughi law ne, a i ah kä ka ning bi en vai ah pyen sei, ka ning nawng nei.

ATÜNNAK 31:24

A cun ah mü ung Khanpughi cu Laban ah ih mang ung law neta, “Na geing nak vai nei, Jakob cu a i ah kä na ci en vai nei” cine pyen nak ci.

LUKA 23:41

ni mät ah katnak awn ni mät ni hteit ciah kyak ci, cun ung phi a ni cu a i phi akat nak kä om ci nei” cine pyen nak ci.

ATÜNNAK 31:11

Ka ih mang ung Khanpughi ah khanchang naw, “Jakob” cine na khü sei, “äi” ci ngäta, ani naw,

MATTHE 27:18

Jew chang ng’vai gui naw ami thüi nak su ah, Bawipa Jesuh cu a kut ung ami ap ah ani naw hmat ci.

LAMKTU 12:21

A mi k’bäi nak hnüüp ung Herod cu bawi ah mang yih sui ne, ghangpughang ah mangkiang ung ngoh netah, chang gui ah ma ah ng’thu pyein ci.

LAMKTU 18:12

Achaia kho cu Kallio naw Roman bawi ah kya ne a uk yah ung, Judah chang gui ng’cut u netah Paul cu pha ne, yung ah m’kawt ah law püi ci gui.

LAMKTU 18:16

yung ungka naw k’täm ba gui ci.

LAMKTU 18:17

Ngami naw pum im uk ciah Sosthenes cu pha u netah yung düma ah tuthat ci gui. Cun ung phi Kallio naw i ah kä sui gui ci.

LAMKTU 25:6

Festus cu Jerusalem ah hnüüp cheit, kaw, ghaa om ba netah Sisaria ah hteit ci. A ngawi ung thu m’cha nak mang kyang ung ngoh netah Paul cu khü sak gui ci.

LAMKTU 25:10

Paul naw, “Kei cu m’khoichaa vai ah ghangpughang ah mang kiang ung ka ng’düi pyi ci. Nang naw na hmat pyi ah mäih ah Judah chang gui ah khan ah kei naw ka katnak i kä om ci.

LAMKTU 25:17

Cun ung phi ngah mi cu a shi ah gawk law u sei, kei naw ak yä ah a ngawi ung ge, yung ah ngoh ne, cun ah chang cu ka khü sak gui ci.