MATTHE 26:69 - Cho Bible Common Language 2016

⁶⁹ Peter cu yung im vong kyong ah k’pung lam ah a ngoh tu yah ung ami changshäm hnumi hta cu law netah, “Nang phi Kalile ah kaa, Jesuh ah apaw ah na kyak ci,” cik ci.

MATTHE 26:69 Referans Kwoze

MATTHE 26:71

Ahei ami changshäm hnumi hta naw mä hmu netah, cun ung om ciah chang gui ah ma ah shin ah chang cu Nazaret chang Jesuh ah paw nei,” cik ci.

1 GHANGPUGHANG GUI 19:13

Elijah naw cun cu ng’ya neta, a suinu awn a hmai shung ne, lungkhui valuh nak ung hteit ne ng’düi ci. Ng’thu k’aw naw a pyen nak cu, “Elijah, shin ung a i ang na bi?”

LAMKTU 5:37

Cun kawn ah ming ami k’tä yah ung Galile chang Judas cu ng’dang law ba ne chang gui ng’ge ne m’htawi gui ci. Cunung phi ani cu ngawn u sei ak chang gui phi püi pawng yawp ci gui.

JOHAN 7:52

Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

JOHAN 7:41

Chang amshah naw, “Messiah cu Kalile kho ungka law hning khai ma?

JOHAN 1:46

Nahtanelah naw, “Nazaret ungka akni ng’tüisho hning khai ma?” ci khätah, Philip naw, “Law ne teng lawä” cik ci.

MATTHE 26:58

Peter cu ng’shawng pi pi ne Kaiaphas ah im vong pei ah khüt ne, Bawipa Jesuh cu läk lawk ci. Cun kawn ah vong kyong ah lut law tu ne, Bawipa Jesuh ah mawng a i ah ami pyein ah a hmat vai ah phäh ah taigütung ah gakap gui awn, a täng ah ngo tuk ci.

MATTHE 26:3

Cun yah ung taigüpa gui la chang vai gui cu taigütung Kaiaphas ah mang im ah ng’bum ci gui.

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

SAM 1:1

Yeikyai nak om ciah chang ci cu, Chang shekha ah m’shümthein ma na ne, phyawn na ne, Cheishoh ciah chang ah om k’ih kä läk ne, Khanpughi kä yum ci ung kä ng’dawn tuk ciah Chang ah kyak ci.

1 GHANGPUGHANG GUI 19:9

Acu ah ani cu lungkhui ah lut ne mü ah ip ci. Ang ghit ah Bawipa naw ani cu ng’thu law püi ci, “Elijah, shin ung a i ang na bi?” cik ci.

MATTHE 26:70

Peter naw, “Nang ah pyein cu kä ka hmat ci nei,” cine ma netah, düi law ne vong kawt lam ah hteit ci.