MATTHE 26:67 - Cho Bible Common Language 2016

⁶⁷ Cun kawn ah chang gui naw Bawipa Jesuh cu a hmai ung m’thui u ne, amshah gui naw thäk u sei, amshah gui naw a hmai ung k’beeih u netah,

MATTHE 26:67 Referans Kwoze

ISAIAH 50:6

Na m’ghuih ci gui am ka k’paang ka cun pek ci, Na k’shedam na u ne, ka m’gawng mu na k’bawh pe u ne, ka hmai ung na m’thüi ci gui phi kei naw kä ka ma na gui ci.

ISAIAH 53:3

Mik mi naw mi päipih ne mi hnu nak ci; Ani cu yaica ne m’neh m’awh ci. Ani teng khai tumat phi kä om ci — Ani cu akholä ah mäih ah mikmi naw mi nawng ci.

JOHAN 18:22

Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.

MATTHE 27:30

Ngami naw Bawipa Jesuh cu ami m’si awn m’thui ci gui. Htung tawn la u ne alupum ung that ci gui.

MAKUH 14:65

Chang amshah gui naw Bawipa Jesuh cu ami m’shi awn m’thui ci gui. A hmai uk ne tuthat u netah, “A u ning tuthat ci ang pyein shüm ä” cine kyak nak ci gui. Taigütung ngäng ciah gakap gui naw a hmai cu k’beeih ci gui.

MATTHE 5:39

Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

MAKUH 15:19

Cun kawn ah alu ung htung awn that ci gui, ami m’shi awn m’thui ci gui, ama ah m’khukdoong ne kawp ne taigü ng’hlawk ci gui.

NG’ÄI KYAH 3:30

Cun ung phi tukthah nak la shedam nak cu mikmi naw avan mi dou vai ah kyak ci nei.

ISAIAH 52:14

Chang akda cu ani hmu u neta cat ci gui; Ani cu sheshui düt ne kyak ci kya ne, Chang ah mäih phi kä law ba ci.

1 KORIN 4:13

Na yokshe na gui ci a om ung m’gein nak thu kami m’khäh ci. Keimi cu tuhbäichü m’dek khan ah k’shinshap, khomdek ung ng’awt ng’saup ah mäih ah kami kyak ci.

MAKUH 10:34

Chang khui hei gui naw chang ah Htapa cu päipih u ne, ami m’shi awn m’thui khai gui, that khai gui, ngawn khai gui; cun ung phi ak hnüüp thum hnüüp ung sih nak ungka tho ba khai nei” ci ne m’thein gui ci.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.

NG’ÄI KYAH 3:45

Khomdek khan ung ng’bum nak maa nak ah nang naw na na pyang gui ci nei.

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

1 GHANGPUGHANG GUI 22:24

Cun kawn ah prophet Zedekiah naw Mikaiah ah hteit ne a hmai ung k’beeih neta, “A i yah ung nei Bawipa ah Mümcha naw kei na hteh ta neta nang a ning thu püi?” cik ci.

THULÄÄN NAK 25:9

a phäi ah chu hmei cu gawnu ng’vai gui ah ma ung, a pei ah law neta, a phahnak tumat suh pe ne, a hmai ung m’thui neta, a pyen cu, ‘Shin cu a phäi ang shon sak vai ah mak ciah chang ah khan ah gawk lawk ciah a mawng nei.’

KHEI NAK 12:14

Bawipa naw, “Ani cu apa naw a hmai ung am thui ah a kyak ung ani cu hnüüp chih ung a thüisei nak om khai. Cun ah kyasei ani cu hnüüp chih ung Shaum pigaw ah akpung ah nami om sak vai, cun kawn ah akyong ah nami law püi ba vai.

MATTHE 26:68

Messiah Bawi, a u naw a ning pung beeih cu pyein law shümä,” cine kyak nak ci gui.