MATTHE 26:64 - Cho Bible Common Language 2016

⁶⁴ Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

MATTHE 26:64 Referans Kwoze

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

MAKUH 14:62

Bawipa Jesuh naw, “Kei cu acun nei, nangmi naw chang ah Htapa cu a hlüngtai säih ah Bawimang ah k’pat lam ah ngoh sei phi bäi, khomei ung cun ne kyum law ba sei phi bäi, nami hmu lawk khai nei” cine kyak nak ci.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

LUKA 21:27

Cun kawn ah küikyang ciah hlüngtai nak la bämang nak awn be ne, ng’mei bawk ung ng’cum ne lawk ciah chang ah Htapa cu nami hmuk khai.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

MATTHE 26:25

Bawipa Jesuh ga ah kut ung ap khai ah Judas naw, “Bawipa, cun ah chang cu kei ah kä kya naw? cine ng’shi khätah, Bawipa Jesuh naw, “Na pyein ah mäih ah hman ci nei,” cine pyen nak ci.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

LAMKTU 1:11

“Kalile chang gui, a i ah kyak seih khankho ng’düi ne nami dan ang? Nang mi ung ka, nami hmuh ge ah khankhaw ah kai ciah Bawipa Jesuh cuh, acun ah mäih ah kyum law ba khai nei” cine pyein ci gawi.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

LUKA 22:70

Ngami naw, “Cun ah a kyak ung nang cu, Khanpughi ah Htapa ah na kiak ci ma?” cine ng’shi ba ci gui. Bawipa Jesuh naw, “Kei cu Khanpughi ah Htapa ah ka kyak ciah nangmi naw nami pyein ci” ci ne kiakna gui ci.

MATTHE 27:11

Bawipa Jesuh cu Roman bawi ah ma ah gawk law khätah, ani naw, “Nang cu Jew chang gui ah ghangpughang ah na kyak ci ma?” cine ng’shik ci.

ROMAN 14:10

Cun ah kya sei, thui am bäng ei hning ciah chang gui, a i ah kya sei nami phäi nau nami m’khoichaa ang! A i ei phi ei thei ciah chang gui, a i ah kya sei nami phäi nau na mi yokshe nak ang! Mikmi mi van cu a nam khoichaa gui vai ah Khanpughi ah maa ah mi ng’düi yawp khai nei.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

MATTHE 22:44

Bawipa naw ka Bawipa-am, Na ga gui na kho kaa ah kä ka gawk sak pha ah chuih, Na ngoh vai,’ ciah David Ghangpughang naw pyein ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

LUKA 22:69

Tuhbäi ung tün ne, chang ah Htapa cu hlüngtai pi k’bäih ciah Khanpughi ah akpat lam ah ngo pyi khai nei” cine m’thein gui ci.