MATTHE 26:63 - Cho Bible Common Language 2016

⁶³ Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

MATTHE 26:63 Referans Kwoze

TAIGÜTHUM 5:1

Katphyawn-douthak nak gui cu aka ah a mawng ma gui ung hlü ci. Chang tumat cu yung ah saksi khai ah k’thäh u khäta, a hmuh ang yak ah mawng cu kä pyen ne a om ah a kyak ung, acun ah akat nak cu amät naw chaw nak khai.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

MATTHE 27:12

Bawipa Jesuh naw, “Na pyein ah kyak ci nei,” ci nak ci. Cun ung phi taigüpa gui la ami ng’vai gui naw m’kat ne ami ng’shi nak gui cu, a i ah phi kä m’hlan tuba gui phung ci.

1 SAMUEL 14:26

Sing gui cu khoitui bäng ah be ci, cun ung phi Saul ah taam kyih u ne a u naw kä ei ci.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 19:9

Cun ah kyasei kyong ah lut law ba netah, Bawipa Jesuh-am, “Nang a hawi kaa na lawk ci ang?” cine ng’shik ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

JOHAN 10:30

Kapa la kei cu tumat ah kani kyak ci” cik ci.

JOHAN 10:24

Chang gui naw ani cu k’Koi u netah, “Keimi naw kami ngaih khit vai ah nang, a i güt na kyak khai ang? Messiah ah na kyak ung keimi-am ang dang ah nam thein gui ä” cik ci gui.

JOHAN 8:25

Ngami naw, “Nang a u ang?” cine ng’shik ci gui. Bawipa Jesuh naw, “Kei a u ah ka kyak cu, a htük ung ka ning m’thein gui pyi ci.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

JOHAN 1:34

Cun ah chang cu kei naw ka hmu pyi ci kyasei, “Ani cu Khanpughi ah Htapa ah kyak ci nei, cine ka ning m’thein gui nei” cik ci.

MAKUH 14:61

Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

MATTHE 27:43

Ani cu Khanpughi yum ciah Khanpughi ah Htapa ah pyein ci maw! Cun ah kyasei Khanpughi naw am hni ah a kyak ung a tuhbäi k’phiawn sä,” cine shedam nak ci gui.

MATTHE 27:40

“Pum im gäi ne hnüüp thum ah kyong ung co ba khai ah chang, Khanpughi ah Htapa ah na kyak ung na mät naw namät k’phiawn ä, kutlamtung ungka a tuhbäi kya law baä,” cine k’shedam nak ci gui.

MATTHE 27:14

Cun ung phi Bawipa Jesuh cu m’kha ät ah phi käng thu tu ba ne om ci. Cun ah kyasei Pilat cu ang htei ah ngaih-tüh khit ci.

DANIEL 3:16

Shadrak, Meshak la Abedneko ni naw m’shang u ne, ghangpughang aw, keimi kami mät naw kami mät kä kami shungvong khai nei.

NG'THU K'THUUK~ 29:24

M’guk ei ah apaw cu akkaa pikbäih amät ah gaa ah kyak ci. Ani naw yung ah hman ci a pyen ung ani cu m’kyuk nak gah khai. Kä a pyen ung Khanpughi naw plahtaam khai.

2 SHONTÄP NAK 18:15

Cun ung phi Ahab naw, “Bawipa ah ming ung ng’thu na pyen ciah a kyak ung akcang na m’thein ä! Cun ah ka ning m’thein a i chü vei law pyi ne ang?” cik ci.

1 GHANGPUGHANG GUI 22:16

Cun ung phi Ahab naw, “Bawipa ah ming ung kei ung ng’thu na pyen ung, akcang na pyen vai! Acun ah na bi vai ah kei naw a i güt ka ning pyen nak vai ang?

1 SAMUEL 14:28

Cun ung phi chang tumat naw, “Keimi kami van cawi ne kami tha ken ci, cun ung phi napa naw k’bäi ne na m’cäi gui ci, “Tuhngawi ei ei ci phung ah khan ah kyuk nak om khai nei” cine m’thein ci.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

MATTHE 26:62

Taigütung cu düi law netah, “Shin ah chang gui naw nang cu a i ng’gu ang, ami ning bün, nang naw m’hlan ne na pyein tu ba vai kä om ba ne ma, cine Bawipa Jesuh cu ng’shik ci.

2 KORIN 1:19

Silas ni, Timothi ni, kei ni naw ng’shäu ne kami pyein ah Khanpughi ah Htapa, Bawi Jesuh cu, “ä” ci shüm “Ka” ci shüm ciah Bawi ah kä kyak ci. Ani cu Khanpughi ah ng’yak hlü cu “ä ya” cik ciah Bawi ah kyak ci.