MATTHE 26:53 - Cho Bible Common Language 2016

⁵³ Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

MATTHE 26:53 Referans Kwoze

MATTHE 4:11

Cun kawn ah khoshe cu a hei ah hteit khätah, khankho chang gui kyum law u ne, Bawipa Jesuh cu m’hteihtang ci gui.

2 GHANGPUGHANG GUI 6:17

Cun kawn ah ani cu taigü ne, “Bawipa, ani ah mik cu, m’dei sak ne, hmuh sak ä!” cik ci. Ani ah taigü cu Bawipa naw ngaih pe sei, Elisha ah changshäm naw teng neta, khogui yung cu ng’se gui la yatha gui ah mei naw küm sei Elisha cu avan naw koi ci gui.

LUKA 8:30

Bawipa Jesuh naw, “Na ng’ming a u ang?” cine ng’shik ci. Ani naw, “Kei ka ming cu Mob nei” cik ci. Ani cu khoshe akda naw a kai ah kyasei cun ah a pyein ah kyak ci.

DANIEL 7:10

Acun ungka mei cu tuii ah long lawk ci. Acun ung chang phia khak naw a bii bik ci gui, chang tämkäp phya khak cu a ma ah ng’düi ci gui. Ng’thu m’cha nak bi lawk khai gui ah kya sei, ca uk gui cu m’auh ne tha ci gui.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

2 THESSALONIAN 1:7

Nami yaica ciah nangmi gui la keimi gui ah khan ah hüiyang nak na pe gui khai. Bawipa Jesuh Khrit cu bämang ciah khanchang gui awn,

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MAKUH 5:9

Cun kawn ah Bawipa Jesuh naw, “Nang ming a u ang” cine ng’shik ci. Cun ah chang naw, “Kei ka ming cu Mob nei, keimi cu ang htei ah kami da aih ci nei,” cine m’thein netah;

MAKUH 5:15

Chang gui cu Bawipa Jesuh ah pei ah ami gawk law ung, khoshe ah kai te ah Mob cu, akni ah ng’sui ng’sak ne, chang k’ni ah kya ne ngoh sei hmu u netah, kyikyawk ci gui.

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

JOHAN 18:36

Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.