MATTHE 26:5 - Cho Bible Common Language 2016

⁵ Cun ah chang gui naw, ‘Chang gui thüngphyong püipawng vai u sei, pawi ah kyong ung kä pha vai’ cine kyak ci gui.

MATTHE 26:5 Referans Kwoze

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

MATTHE 21:26

Chang ah peit ah m’khüt näng nak awn pek ci mi ciah a kyak ung chang gui naw Zohan cu profet tumat ah yum ci gui kya ne, cun ah chang gui cu kyih gui vai kyak ci,” cine ami mät ng’cecäk ci gui.

MATTHE 14:5

Herod naw Johan cu ngawn hlü te ci, cun nung phi Jew chang gui naw Johan cu profet ah k’bäi u khätah, ngah mi cu kyih gui ne kä ngawn ci.

MAKUH 14:27

Bawipa Jesuh naw, “Nangmi nami van cu kei na nawng ne nami dawng yawp khai nei, a i ah kyasei ci ung cacim ung, ‘Khanpughi naw hto shäm cu ngawn khätah, hto gui cu püipiang yawp khai gui nei” ciah om ci.

MAKUH 14:12

Phyawn nak Htome hta cu ngawn ne k’caw kä shum ah m’htut den nak ah pawi tün htük hnüüp ung, ang düihpüi gui naw, Bawipa Jesuh-am, “Nang Bawipa ah hmawk ah phiawn nak mü-ei cu a hawi ang kami pian kaw?” cine ng’shik ci gui.

MAKUH 14:2

Ngami naw, “Chang gu thüngphyong ne ami kyak law vai ah ng’ä ah kyasei pawi ah ak kyong ung kä nami pha vai” cine m’cäi gui ci gui.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

LUKA 22:7

K’caw kä shum ah m’htut deng ne binak ah pawi ung, htome hta ngawn ne taigü vai ah a khin cu gawk lawk ci.

NG’ÄI KYAH 3:37

Bawipa ah ang yak hlü cu angtäi sei kawh chan nei.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

LUKA 20:6

Chang ah bi sak mi ci ung, Johan cu profet ah kyak ci ciah yum ci gui naw, lung awn na vawi gui khai gui” cine kya u netah,

LAMKTU 19:29

Gawnu avan pülüük ne thüngkyüng u ne, chang gui naw Paul ah ng’gui püi goi, Macedonia ah kaa, Kaius la Aristakas cu pha goi u ne gaw ng’lung im nu ah hteh püi goi ci gui.

LAMKTU 21:38

Zanhta shäng ung ng’küükneet ne ng’tuk bi khai ah, chang phia phli-kip khah püi ne, bunghmu ah dawng ciah, Egypt chang cu nang ah kä kya ne ang?” cine ng’shik ci.