MATTHE 26:49 - Cho Bible Common Language 2016

⁴⁹ Judas cu Bawipa Jesuh ah yäih ne dawng law netah “Bawipa Zeikiai nak om sä,” cine Bawipa Jesuh cu m’hnam ne ng’ui ci.

MATTHE 26:49 Referans Kwoze

1 THESSALONIAN 5:26

Khritha phäi nau avan cu yum nak awn ng’ui ne yavaih nah vä.

MATTHE 26:25

Bawipa Jesuh ga ah kut ung ap khai ah Judas naw, “Bawipa, cun ah chang cu kei ah kä kya naw? cine ng’shi khätah, Bawipa Jesuh naw, “Na pyein ah mäih ah hman ci nei,” cine pyen nak ci.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

LUKA 7:45

Nang naw kei kä na na ng’ui ci, cun ung phi shin ah hnumi naw shin ah im ung ka luh law ung tün ne kei ah khaw cu na ng’ui ci nei.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.

NG'THU K'THUUK~ 27:6

Nang khai ah aning bi ung phi teihpü cu khäng htek ci, Cun ung phi gaa läi naw na phleing khan ah a kut a taih ung phi — na geing nak vai.

2 SAMUEL 20:9

Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

ATÜNNAK 27:26

Cun kawn ah apa naw, “Ka hta awi, law ne na ng’ui law ä” cik ci.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

MATTHE 26:48

Bawipa Jesuh ga am ap ciah chang naw, ani awn a täng ah lawk ciah chang gui-am, “Kei naw m’hnam ne kang ui ah chang cu Jesuh ah kyak ci, ani cu nami phaa vai nei,” cine am cäi gui ah kyak ci.

JOHAN 4:31

Acun yah ung angdüihpüi gui naw, “Sayapa, ei ei toä” cik ci gui.