MATTHE 26:45 - Cho Bible Common Language 2016

⁴⁵ Cun kawn ah ang düihpüi gui ah om nak ah law ba netah, “Nangmi cu ip ne ng’düm ne nami om ci ma? Chang ah Htapa cu chang she gui ah kut ung ap vai ah akhin gawk lawk ci nei.

MATTHE 26:45 Referans Kwoze

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 17:1

Cun ah thu a pyein kawn ah, Bawipa Jesuh cu Khankho dan netah, “Kapa, a khin gawk law pyi ci nei, Na htapa ung na bämang nak ang dang vai ah, Na Htapa am bämang nak cu yuk pe lawä.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

LUKA 22:53

Kei cu nangmi awn a täng ah ak hnüüp tä sei pum im ah om lang ngä sei, a i ah kyasei kä nami na pha ang? Cun ung phi nangmi ah akhin cu kho hmüp khui ah kyak ci,” cine pyen na gui ci.

MATTHE 26:18

Bawipa Jesuh naw, “Gawnu kyong ah chang vai tumat ah hteit ne nami pyein vai, Bawipa naw ‘Kei ah ka khin cu gawk lawk ciah kya sei, kang düihpüi gui awn a täng ah nang ah im ung passkha pawi kami bi hlük ci’ cine nam cäi gui ci” cine nami pyein vai cik ci.

MATTHE 26:2

“Ak hnüüp hnih nak ung phiawn nak pawi om khai ah nami hmat ci. Cun yah ung Chang ah Htapa cu kutlam tung ung tai ne ami ngawn vai ah ga ah kut ung ap khai gui nei,” cine pyein ci.

1 GHANGPUGHANG GUI 18:27

Khaw hnüüp law khäta, Elijah naw gaih tu gui ne a pyen cu, “M’lau pi ne taigü vä! A ni cu a i baw ngaih-tüh ne, käcung, ng’naw phyam ne, käcung, a hawi baw hteit ne kyak khai nei! Käcung ip bawk khai, cun ah kyasei nami m’thawh vai nei!” cik ci.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

MATTHE 26:44

Bawipa Jesuh cu cun kawn ah hteit ba mä ne acita ak taigü ah mäih ah ak thum-vai nak ah taigü ba mä ci.

MATTHE 26:46

Tho law vä mi hteit kaw, ga ah kut ung kei na ap khai cu gawk law pyi ci nei,” cine kyak na gui ci.

MAKUH 14:35

Bawipa Jesuh cu cun ungka api vang nawn ne, m’dek ung m’khukdong netah,

JOHAN 12:23

Bawipa Jesuh naw, “Chang ah Htapa ah bämang nak ang dang nak ah khin gawk lawk ci nei,