MATTHE 26:43 - Cho Bible Common Language 2016

⁴³ Cun ah Bawipa Jesuh a law ba ung phi ang düihpüi gui cu ami mik käm dei hlawt ah ip u sei hmu gui ci.

MATTHE 26:43 Referans Kwoze

LUKA 9:32

Peter la apaw gui cu ngam ne ip ci gui. Cun ung phi ami ng’shüm law ba ung Bawipa Jesuh ah pyü khang nak la ani awn a täng ah ng’düi ciah chang goi cu hmuk ci gui.

ROMAN 13:1

Chang päng naw kho uk ciah bawi ah huham cu a läk vai nei. A i huham phi Khanpughi naw kä a m’hnüt ung kä om ci nei. Huham gah ne uk ciah khobawi cu Khanpughi naw m’hnüt ne am düih ah kyak ci.

LAMKTU 20:9

Eutikus ming nak ciah ak hmaw chang tumat cu, Paul naw thu a pyein ah ung m’kawt khan ah ngoh ne ngam ci. Ngam ne ip law netah im ah ang dün thum nak kaa kya lawk ci. Chang gui naw ami yu chan tu ba yah ung ani cu si pyi ciah kyak ci.

JONAH 1:6

Htinpaw kepting naw ani cu hmu neta, “A i ah kyasei na ih ang? Tho law ne na Khanpughi ah taigü ä! Ani naw mikmi ah hmawk ah ng’ä neta, mi hnun gui nak phyawn gui hman khai nei” cik ci.

NG'THU K'THUUK~ 23:34

Tuinu ah khan ah na om ciah mäih ah na ngai khai. Nik phiui khai, ng’lau ciah htinpaw htung ung akhlüng ah na ng; cuum ciah mäih ah kyak khai.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

MATTHE 26:44

Bawipa Jesuh cu cun kawn ah hteit ba mä ne acita ak taigü ah mäih ah ak thum-vai nak ah taigü ba mä ci.