MATTHE 26:31 - Cho Bible Common Language 2016

³¹ Cun kawn ah Bawipa Jesuh naw, “Khanpughi naw htoshäm cu ngawn khätah, hto gui cu püipiang yawp khai gui ciah, cacim ung a om ah mäih ah, tuhmü nangmi cu kei na nawng ne nami dawng yawp khai nei.

MATTHE 26:31 Referans Kwoze

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

JOHAN 16:32

Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.

SAM 69:20

Lü ng’ä nak naw ka m’lung na thüi sak sei, kei cu di nak ung ka gawk ci. Nam gein khai ngai ngä sei kä om ci, na m’htei khai kä ka hmuk ci.

SAM 38:11

Ka gaw nak ah hmawk ah ka teihpüi, paw chang gui naw phi kä na et ba khai gui, ka kyong ung ka gui naw phi na hteh tak khai gui nei.

MATTHE 11:6

Kei ah khan ah ngaih gep ciah chang gui cu yeikyai nak om ci nei” cine m’cäi gui ci.

NG’ÄI KYAH 1:19

Kei naw ka khawt püi gui cu ka khü ci, Cun ung phi kei na m’hteihtang vai ah ngami mak ci gui. Taigü gui la ang vaihta gui cu mang gaw lam gui ung sik ci gui. Amät ah hnun ami m’ghin nak vai ah ei cu shui yap ci gui.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

SAM 88:18

Nang naw ka teih püi gui k’cang naw phi ami na nawng vai ah bik ci sei, khomü hmüp bäng cu kei ah paw ah kyak ci nei.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

MATTHE 26:24

Cacim ung om ciah mäih ah chang ah Htapa cu sik khai nei, cun ung phi chang ah Htapa ga ah kut ung ap ci cu, thüisei nak om ci nei. Kä ang tüi tu ge vai sü ung ani ah hmawk ah ni pi khai süte,” cine pyein ci.