Biblia Todo Logo
Bib sou entènèt

- Piblisite -




MATTHE 26:3 - Cho Bible Common Language 2016

3 Cun yah ung taigüpa gui la chang vai gui cu taigütung Kaiaphas ah mang im ah ng’bum ci gui.

Gade chapit la Kopi




MATTHE 26:3
23 Referans Kwoze  

Cun kawn ah Annas naw khit gäk gäk ne, Taigü Tung Kaiaphas ah hteh püi sak gui ci.


Peter cu ng’shawng pipi ne taigütung ah im cham kyong ah khüt ne, Bawipa Jesuh cu läk lawk ci. Ani cu taigütung ah a gakap gui awn a täng ah mei awm ne ngo tuk ci.


A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.


Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.


Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.


Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”


Ngami cu ang thuh nak ah ng’bum u ne, kei ah ka bi phung däät ci gui, na ngawn khai gui ah ng’bü ci gui.


Annas la Kaiaphas cu taigütung ah kyak ci goi. Cun yah ung Khanpughi ah ng’thu cu, bung puk ah om ciah Zechariah ah hta Johan ung gawk lawk ci.


Peter cu yung im vong kyong ah k’pung lam ah a ngoh tu yah ung ami changshäm hnumi hta cu law netah, “Nang phi Kalile ah kaa, Jesuh ah apaw ah na kyak ci,” cik ci.


Pilat ah gakap gui naw, Bawipa Jesuh cu bawi ah mang im ah hteih püi ci gui. Gakap-mo mawng ät ami van naw Bawipa Jesuh cu k’bui ci gui.


Peter cu im cham kyong ah a om yah ung, taigütung ah a shäm hnumi hta cu gawk lawk ci.


Gakap gui naw Bawipa Jesuh cu gawnu bawi ah im ah hteh püi u netah gakap nawng ät naw’ koi ci gui.


Chang amshah gui cu im chaam kyong ah mei cik ne awm u sei, Peter cu ami ng’lung ah hteit ne mei awm tuk ci.


Swiv nou:

Piblisite


Piblisite