MATTHE 26:27 - Cho Bible Common Language 2016

²⁷ Cun kawn ah khap cun phi la ne, Khanpughi m’hlüngtai netah ang düihpüi gui-am pe gui ne, “Shin ah khap cu nami van naw la ne aw vä, shin cu Khanpughi naw a ning m’hnüt nak gui ah thukhän thai;

MATTHE 26:27 Referans Kwoze

1 KORIN 10:16

Mikmi naw Bawipa ah mü ei mi ei ung, Khanpughi cu m’hlüngtai ne khap cu la ne mi awk ung, Bawi Khrih ah si mi ng’pai tu ah kyak ci. M’htut cu k’bo ne la ne mi ei cun phi, Bawi Khrih ah sa mi ng’pai tu ah kyak ci.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

1 KORIN 11:28

Cun ah kyasei, chang päng naw amät naw amät ngaih tüh pük pük netah, m’htut cu ei ne khap cu aw sä.

LUKA 22:20

kei nami na shüm nak ah la ne ei vä” cik ci. Acun ah mäih ah ei ami ei kawn ah sapyit tui khap cun phi la netah, “Shin ah khap cu Khanpughi ah thukhän thai, a ning m’hnüt nak gui vai ah nangmi ah hmawk ah ka huk ah, kasi ah kyak ci,” cine pyein ci.

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

SOLOMON NG’Ä~ 7:9

Na m’gawng cu sapyit tui akni pi ah mäih ah kyak ci. Cun ung sapyit tui cu kei ah ka m’hni ah am nei la a ha ah khan ah long sä.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

SAM 116:13

A na hun nak ah hmawk ah yeikyai ne, Bawipa ah ma ah awk vai cu ka law püi khai.

MATTHE 15:36

M’htut pum chih la nga api cu la ne, Khanpughi ah taigü netah, m’htut la nga cu bou ne ang düihpüi gui-am pe gui sei ang düihpüi gui naw chang gui-am tei gui ci gui.

MATTHE 26:26

Bawipa Jesuh naw ang düihpüi gui awn a täng ah mü-ei ami ei yah ung, m’htut cu la ne Khanpughi m’hlüngtai netah, m’htut cu bou ne, “Shin ah m’htut cu kei ah pumsa ah kyak ci, la ne ei vä,” cine ang düihpüi gui-am tei gui ci.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.