MATTHE 25:5 - Cho Bible Common Language 2016

⁵ Chumah khai ah pamihta cu kä law yä sei, ngami cu ami van ngam ne ip yawp ci gui.

MATTHE 25:5 Referans Kwoze

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

LUKA 20:9

Cun kawn ah Bawipa Jesuh naw shin ah m’tumtäng nak m’thein gui ci. “Chang tumat naw sapyit lo ung ang geitkaw kawn ah, chang gui ghüh ne bi ne ei sak gui ci. Amät cu a kho hei ah hteit ne aksho om ci.

MATTHE 24:48

Cun ung phi cun ah changshäm cu changshe ah a kyak ung, ka bawi kä law ba yäk khai shou ba cang khai ci ne,

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

MATTHE 25:19

“Shou hta khätah ami bawi cu law ba ne ak changshäm gui cu k’tä gui ci.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

ROMAN 13:11

Nang mi cu nami ih nak ungka nami thawh nak ba vai ah a khin gawk law ciah nami hmat pyi ci kya sei, ng’yumhni tu ne nami om vai. A i ah kya sei ci ung mikmi naw hun nak mi gah nak vai ah khaw hnüüp cu, mi yum law nak htük ah mä, ang et law pi k’täi ah hmawk ah kyak ci.

LUKA 18:8

Bawipa naw ang ghit ah ng’düng khai ah m’khoichaa pe gui khai nei. Cun ung phi chang ah Htapa a law ba ung khomdek khan ah yumnak cu hmuk khai ang” cik ci.

MATTHE 26:43

Cun ah Bawipa Jesuh a law ba ung phi ang düihpüi gui cu ami mik käm dei hlawt ah ip u sei hmu gui ci.

MATTHE 26:40

Cun kawn ah Bawipa Jesuh cu ang düihpüi gui ah om nak ah law ba ne, ip u sei hmu gui netah, Peter-am, “Nangmi thum cu nayi ät hta phi kä nami na ngäng hlawt ci ma,

SOLOMON NG’Ä~ 5:2

Kei ka ih yah ung ka m’lung cu ng’shüm ci nei. Ka m’hni naw shoh khäk law sei ka ng’mang nak ci. Kei cu na luh sak ä, ka m’hni aw, tuihlim ciah ka m’lung, ka müm kha aw. Kei ah ka lu cu damtui naw ng’shüi ci nei, ka lusam cu goh tui awn vai ci nei.

SOLOMON NG’Ä~ 3:1

Amü tä sei ka ih phak ung ka ip ci kei naw ka m’hni cu ka mang nak ci; Kei naw ani ka shui ci, cun ung phi kä ka hmuk ci.

THU PHLAAN 2:25

Kei kä ka law pha ah chuih nami kut ung om ci cu, htek sei nami shum vai.

MATTHE 25:4

Lunglang ci gui cu ami mei im ung be khai ah yinan kei ne, law püi ci gui.

MATTHE 25:6

Kho cawih ding law khätah, “Chumah khai ah pamihta gawk law ci nei, law ne dou law vä!’ ciah ng’khü k’aw cu ng’yak ci gui.

LUKA 1:21

Cun ah khin pum ung Zechariah cu chang gui naw ging law yai u netah, a i haw ne shin güt leng leng pum im kyong ah a ding ang? ci ne cäicat ci gui.

SOLOMON NG’Ä~ 5:3

Kei cu kä suisa ne ka om pyi ci nei; a i ah kyasei ka suisak ba vai ang? kei cu ka khaw ka m’si pyi ci; A i ah kyasei ka lelawi ba vai ang?