MATTHE 25:46 - Cho Bible Common Language 2016

⁴⁶ Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

MATTHE 25:46 Referans Kwoze

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

JOHAN 5:29

ng’cim hmun ungka ami thawh ba nak vai ah a khin cu gawk khai nei; a om nik ci gui cu tho ba ne ghing ba khai gui, a om shek ci gui cu tho ba u ne phi shetkat nak gah khai gui nei.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

ROMAN 5:21

Kat nak naw sih nak awn a uk ah mäih ah, mi Bawipa Jesuh Khrit ung angtäi ghin nak mi gah vai ah, Khanpughi ah m’geinsei nak naw ng’düng nak awn na uk gui ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

KALATIAN 6:8

M’dek chang ah ng’yak hlü ah m’dek ung geit ci naw, sih nak ah a vuipai cu khäm ba khai; Mumcha ah ng’yak hlü ah ng’lei ung geit ci naw, angtäi ghin nak ah a vuipai cu khäm ba khai.

LUKA 16:26

Cun bäng ah kä kyak ciah keimi la nangmi ah ng’lak ung thuuk aih ciah gheem-kiaa nu om ci. Cun ah kyasei keimi lamah kaa nangmi lam ah phi bäi, nangmi lam ah kaa keimi lam ah phi bäi a u kä hteit hton hlawt ci nei” cine pyen nak ci.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

MATTHE 13:43

Cun yah ung Khanpughi ah chang gui cu ami pa ah uknak kho ung, khohni ah mäih ah khang ne om khai gui. Ng’yak nak vai ah hnga om ci phung naw ng’ya sä,” cine m’thein gui ci.

JUDE 1:21

Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

MATTHE 19:16

Kho hnüüp ät ung chang tumat cu Bawipa Jesuh ah law netah, “Sayapa, angtäi ghin nak gah vai ah nik ciah bi a i nei ka bi kaw?” cine ng’shik ci.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

JOHAN 6:40

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LAMKTU 13:48

Cun ah thu cu changpakhui hei gui naw ng’ya u netah yeikyai u ne, Bawipa ah thu ni cu m’hlüng tai ci gui. Ang täi ghin nak gah khai gui ah a ghü gui naw Bawipa Jesuh cu yum lawk ci gui.