MATTHE 25:44 - Cho Bible Common Language 2016

⁴⁴ “Cun ah chang gui naw, ‘Bawipa, nang ei na cawi, tui na gha khin ah na kiak, sui ah nak kheei, na gawpai, thawng ung na kium cu ning hmu lang ne. A i yah ung ang kä ning tu m’bei, kä ning m’hteihtang ah kami om’ cine pyein tu ba khai gui.

MATTHE 25:44 Referans Kwoze

LUKA 10:29

Thukhän saya naw amät ah hmuhmat nak m’dang hlü netah, “Kei ah ka ng’kho chang cu a u ang?” cine ng’shi ba ci.

MATTHE 7:22

M’khoichaa nak ah hnüüp a gawk law ung chang akda naw, ‘Bawipa, Bawipa, nang ah ming awn Khanpughi ah ng’thu cu ka pyein ci nei, nang ah ming awn khoshe khogam phi kami ktäm ci nei, nang ah ming awn cäi aih gui vai phi kami m’dang ci nei, cine kyak khai gui.

MALAKHI 3:13

Bawipa naw, “Nangmi naw kei ah mawng cu akshe ah nami pyen ci, Cun ung phi nangmi naw, Nang ah mawng a i ang kami pyen?” nami cik ci.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

JEREMIAH 2:35

Nami pyen cu, “Kei cu changniah ka kyak ci, ak cang ah Bawipa cu kei ah khan ah kä m’lungshe ba ci nei. Cun ung phi kei Bawipa naw ka ning m’kyuk gui khai, a i ah kyasei ci ung nangmi kä nami hmakak ci pyen nami ling ci.

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

MATTHE 10:41

Kei na dou ci cu, kei na tüi lawk ci dou ciah kyak ci. Khanpughi ah ang shä tüih m’hni ne dou ciah chang cu, chang k’ni ah gah ah m’cümhnah nak gah tuk khai.

MATTHE 25:43

kei khin ah ka kyak yah ung kä nami na khin nak ci, kei ka sui vai kä a om yah ung kä nami nam sui ci, kei ka gawpai yah ung, thawng ung ka kium yah ung kä nami nam hteihtang ci,’ cine kyak na gui ci.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.