MATTHE 25:43 - Cho Bible Common Language 2016

⁴³ kei khin ah ka kyak yah ung kä nami na khin nak ci, kei ka sui vai kä a om yah ung kä nami nam sui ci, kei ka gawpai yah ung, thawng ung ka kium yah ung kä nami nam hteihtang ci,’ cine kyak na gui ci.

MATTHE 25:43 Referans Kwoze

MATTHE 25:36

Kei ka sui vai kä ah om yah ung sui nami nam sui ci. Ka gawpai ung nami htei ci, thawng ung ka kium yah ung nami na teng m’kein lawk ci’ cine pyein ci.

MATTHE 25:42

Kei ei ka cawi yah ung ei kä na mi nam bei ci, tui ka gha yah ung tui kä nami tu ci,

MATTHE 25:44

“Cun ah chang gui naw, ‘Bawipa, nang ei na cawi, tui na gha khin ah na kiak, sui ah nak kheei, na gawpai, thawng ung na kium cu ning hmu lang ne. A i yah ung ang kä ning tu m’bei, kä ning m’hteihtang ah kami om’ cine pyein tu ba khai gui.

SUKI GUI 19:15

Ngami cu lam ung ng’hlat ne, cu mü a cu nip ci gui. Ngami cu mang gaw kyong ah lut u ne, a awng nak ung ngok ci gui, cun ung phi a u naw khü ne im ung kä m’ih tu gui ci.

JOB 31:19

Chang tumat cu a i kä ta ne dukhaih ne a suisak phi kä a hleih hlawt ah akyak ung,

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

LAMKTU 15:36

Hnüüp a pipi shou law khä tah Paul naw Barnabas am, “Bawipa ah Thu Ni mi pyein nak ah pigaw päng phäi nau gui ah om nak ah hteit ne, a i ah ami om ih law cu mi teng m’kein gui khai” cine pyein ci.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.