MATTHE 25:4 - Cho Bible Common Language 2016

⁴ Lunglang ci gui cu ami mei im ung be khai ah yinan kei ne, law püi ci gui.

MATTHE 25:4 Referans Kwoze

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

JUDE 1:19

Cun ah chang gui cu, khrithabum k’pyeekpai ciah chang gui, ami nupuk ng’yakhlü ah läk ciah chang gui, Mumcha kä om ciah chang gui ah kyak ci.

2 KORIN 1:22

Khanpughi a mät naw m’khoi ne na khei gui ne, amät ah chang ah ng’kheing vai ah nam hnüt gui ci. Mikmi ah gah vai a na m’küm peit gui cu a kyän nak ah Mumcha Theing cu mi m’lung kyong ung na pe gui ci.

MATTHE 7:24

‘Kei ah ng’thu cu ngai ne ng’ya ne läk ciah chang cu, lung khui shawk ne im co ciah Lunglang ciah chang awn täng ci.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

MATTHE 25:2

Cun gui ungka sing hma cu lunglang ci gui, sing hma cu kä lunglang ci gui.

MATTHE 25:3

Kä lunglang ci gui cu mei im law püi pang u ne phi yinan akdäm kä kei ci gui.

MATTHE 25:5

Chumah khai ah pamihta cu kä law yä sei, ngami cu ami van ngam ne ip yawp ci gui.