MATTHE 25:35 - Cho Bible Common Language 2016

³⁵ Nangmi cu kei ei ka cawi yah ung ei nami nam bei ci, tui ka gha yah ung tui nami na tu ci, kei cu khin ah ka kyak yah ung nami na khin nak ci.

MATTHE 25:35 Referans Kwoze

EZEKIEL 18:16

a u phi kä shedam nak cik, a u phi kä get tep ci. Ngui pu lawk ci naw ami kyän law phi ami naw pe ba gui ci. Ani naw ei cawi cicu ei m’bei ci, k’plui cicu sui m’sui ci.

EZEKIEL 18:7

Ani cu kä thuvi khai, Chang ah kaa kä gut tep khai. Ani naw ami kyän law phi pe ba gui ci; cawi ci am ei m’bei ci, k’plui ciam sui m’sui ci.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

JOB 31:32

Kei naw hteit hton ci gui phi ka im ung ka khü gui ci, lam düt ung kä ka ih sak gui man ci.

ROMAN 12:20

Cun ah kya sei, phu nami tuk nak vaisü ung nami bilawh vai ah cacim theing naw a pyein cu, “Nami gaa cu ei a cawi ung ei nami m’bei tu vai, tui a gha ung tui nami tuu tu vai, cun ah na bi nak awn nang naw na gaa cu na ng’aa sak khai nei,” ciah kyak ci.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

PHILIMON 1:7

Kam hni ah phäihta, nam hni nak naw kei cu ang htei ah na yeikyai sak ne, nak thamah sak ci nei. Khanpughi ah chang gui phung cu phi ami m’lung na thawh sak gui ci nei.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

ROMAN 16:23

Kei na khinchah nak ci, khritha gui naw ami pum nak im nak ciah Kaius naw phi ning yavaih na gui ci nei. Gawmang ah nguimküm, Erastus la mi phäi nau Kuartus naw phi ning yavaih na gui ci goi nei.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

LAMKTU 4:32

Yum ciah chang gui cu ami m’lung ngaih kawng ät u neh, a u naw phi amät ah khawh cham cu aka ah käm tung sei, ami khawh cham avan cu ami ka ghawm ah ngai ci gui.

JOHAN 13:29

Judas cu ngui ip shäm ne ngui khäm ciah kyasei, pawi ung kaa vai a i bawi khleih vai, kä cun ung, pyamthaam ci-am peit taak vai ah Bawipa Jesuh naw täk ciah amshah naw ngai ci gui.

LUKA 11:41

Cun ah nami bi ung nangmi ah hmawk ah avan theingthap khai nei.

MAKUH 14:7

Ghawi pyam ciah chang gui cu nangmi awn angtäi ah a täng ah nami om ci. Nangmi naw nami ng’yak hlü päng ung nami m’htei gui hning ci. Kei läi cu nangmi awn angtäi ah kä ka om khai.

MATTHE 26:11

Ghawipyam ci gui cu nangmi awn a täng ah nami om lä khai, kei läi cu nangmi awn a täng ah kä ka om law ba khai.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

NG'THU K'THUUK~ 25:21

Na gaa a cawi ung ei na m’bei vai, tui agha ung tui na tu vai,

NG'THU K'THUUK~ 22:9

Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

NG'THU K'THUUK~ 14:31

Dukhaih ciah chang shedam nak ci cu, ani tuisho ciah Khanpughi paphi ciah kyak ci. Cun ung phi dukhaih ci m’gein cicu khawihnah nak bik ciah kyak ci.

NG'THU K'THUUK~ 14:21

Nang cu na yeikyai hlü ah a kyak ung dukhaih ci na m’gein vai, chang paphi cu katnak ah kyak ci.

1 GHANGPUGHANG GUI 17:11

a va vü yah ung khü ba ne, “M’htut phi na thak law ä,” cik ci.