MATTHE 25:30 - Cho Bible Common Language 2016

³⁰ A i ah kä mawng ciah shin ah changshäm cu, ak pung ah hmüp khui ung hteh püi vä, a cu ah kyap ne m’lau ne aha htui ne om sä’ cine kyak na gui ci.

MATTHE 25:30 Referans Kwoze

MATTHE 8:12

Cun ung phi uknak kho ung khai shi ah chang gui läi cu thüi kyah nak, ha htui ne geinvai nak ah ak pung lam kho hmüp khui ah k’täm gui khai,” cine pyein ci.

MATTHE 22:13

Cun kawn ah ghangpughang naw, ak changshäm gui-am, ‘Shin ah chang cu a kut kho pin ne khit netah, ak pung ah hmüp khui ah m’shän vä, a cu ah ani cu kyap ne m’lau ne, aha htui ne om sä’ cine kyak na gui ci,” cine pyein ci.

MATTHE 13:50

Caang ne ng’ai ciah mei ung htawm khai gui. Cun gui cu kyap ne m’lau ne ami ha htui ne geinvai khai gui.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

TITUS 3:14

Mi chang gui naw sui ei vai ng’yak hlü gah nak vai ah, ak ni bi nak ung akhin cu mang thei vai ah, ng’thei sak gui ä. Ngami cu akholä düt ah kä ghing om men u sä.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

LUKA 13:28

Nangmi naw Khanpughi ah uknak kho ah Abraham, Isaak la Jakob ni, profet ni gui cu, hmu tu lang u ci sei, akpung ah ami ning k’täm gui ung nami haa kyeet ne, kyap ne m’lau ne nami kyak khai nei.

MATTHE 24:51

ak nui ah tuthat sei thuvi chang gui ah gah ah mäih ah gah khai nei. Ani cu kyap ne m’lau ne aha htui ne gein vai khai nei.

MATTHE 13:42

Caang ne ng’ai ciah mei ung k’htawm gui khai. Cun ah chang gui cu kyap ne m’lau ne, ami ha htui ne gein vai khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

2 PETER 2:17

Cun ah chang gui cu tui ket ciah hmawilawng ah mäih, khokhi naw k’phyit ne a yon ah khong mei ah mäih ah kyak ci gui. Khanpughi naw ngami ah hmawk ah ak hmüp nak pi bäih ah hmun cu taak pe gui ci.

MATTHE 5:13

Nangmi cu chang nüng ah hmawk ah m’shii ah mäih ah nami kyak ci. M’shii cu atui a maih kawn ah tui ba khai ah kä pyan ba hlawt nei. Kä ei mang ba phia sei, k’tai ah ghawh ung chang gui naw kai nak ci gui.

MATTHE 3:10

Sing ghing gui ah kung ah chuk nak vai ah ghei cu, m’shän pyii ah kyasei, akni ah kä m’theih ciah a ghing phung cu, chu pit ne mei ung k’bum yawp vai nei.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.