MATTHE 25:24 - Cho Bible Common Language 2016

²⁴ “Cun ung phi pit gha gah ciah chang cu law ne, ‘Bawi aw, kei cu nang bawi ah mawng ka hmat ci, nang cu na nget-ngawng ci kya ne kä na geit phi na khäm ba man ci, kä na phu geit phi nam sep ba man ci.

MATTHE 25:24 Referans Kwoze

LUKA 15:29

A hta ng’vaipi naw, “Kei cu khokum akda ung nang pa ah pyein ah om ne bi ka bik ci. Nang pa ah ng’thu hngü ät phi kä ka heng man ci. Cun ung phi ka teihpüi gui awn yeikyai ne kami ei vai ah mehta tumat phi kä na na ngawn pe man ci.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

ROMAN 9:20

Teih püi aw, nang cu a u ah kya ne, Khanpughi cu, cuk chaa na ng’shi hning vai ang! A tüi sho ah chang naw, tüi sho ciah Bawipa cu, “A i ah kya sei, nang naw kei cu shin chaa ah na na tüi sho ang,” cine ng’shi hning khai ang!

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

LUKA 6:46

“Ka ng’thu kä ngai lang ne a i ah kyasei Bawipa, Bawipa cine nami na khü ang?

MATTHE 20:12

Cun ah kya khätah ami ghüh gui naw, shin ah chang gui cu nayi ät ashäng hta vah bi bi tuk ci gui, keimi mü ne khohni ling ung kami bik ci. Cun ung phi nang naw ngami awn a täng düt ah na na cheng gui ci nei,’ cine lo mah ah pyein ba ci gui.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

ISAIAH 58:3

Chang gui naw ng’shih ci gui, “Bawipa naw a i ah kä ana sui gui ung, a i vai mikmi ei mi hlawi vai ang? Ani naw a i ah ka ana ngaih gui ung a i vai ei kä ei ne mi hteh vai ang? Bawipa naw ngami pyen na gui ci, “akcang cu, nangmi ei nami hlawi sang ung nami mät ah ng’yak hlü shui u ne, nami chang gui nami shedam na gui ci.

MATTHE 18:24

Ani naw tün ne k’tä gui netah ngui tämkäp phiaa khak a pu om ciah chang cu khü sak gui ci.

MATTHE 25:25

Kei naw ning kyih netah na ghui cu m’dek co ne kak phuh ci nei, teng ä, shin ung na ghui om ci nei’ cik ci!

MATTHE 25:26

“A bawi naw, ‘Shekak ciah changdam, kei naw kä ka geit phikhäm ne, kä ka phu phi kam sep man ciah na hmat ung,

LUKA 19:13

Kä a hteh pha ung akchang shäm gui sing ghaa cu khü gui netah, kei kä ka gawk law ba phaa ah chuih nami sumlei vai” cine gui tangka a phe ci pe gui ci.