MATTHE 25:12 - Cho Bible Common Language 2016

¹² Cun ung phi chumah ciah pamihta naw, ‘Nangmi a u gui ang, shoh kä ka ning ak hmawn gui khai nei,’ cine kyak na gui ci.

MATTHE 25:12 Referans Kwoze

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

SAM 5:5

Nang cu chang k’awm ci gui täng ah kä na ng’düi ci; Nang naw changshe gui avan cu na thüi nak ci.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

MATTHE 25:11

Hmuhmat nak kä om ciah ng’lamihta gui cun phi gawk law ba u ne, ‘Saya, saya, shoh nak hmawn tu gui vä,’ cine ng’khü ci gui.

MATTHE 25:13

“Cun ah kyasei nangmi cun phi cun ah hnüüp, cun ah khin cu kä nami hmat ci kyasei, ngaih na ne nami ngäng vai nei!’

LUKA 13:25

Im ah naw choh khai sei, nangmi akpung ah nami om khai. Nangmi naw choh hei khäk ne, “Im mah aw, choh na ak hmawn tu gui ä,” ci ne nami kyak ung phi im mah naw, “Nangmi a hawi kaa nak mi lawk ci ang? Kä ka ning hmat gui ci nei” cik khai.