MATTHE 25:1 - Cho Bible Common Language 2016

¹ “Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

MATTHE 25:1 Referans Kwoze

THU PHLAAN 19:7

Htomehta ah hta m’um nak gawk law pyi ciah kyasei, mi yeikyai ne a hlüngtai nak cu mi m’kümto khai nei. Ceimah khai ah ng’laamihta cu pawng ge ne om ci nei.

THU PHLAAN 21:9

Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

MATTHE 13:24

Bawipa Jesuh naw a hei tumat awn m’tumtäng ne am thein ba gui cu, “Khankho uknak cu shin ah mäih ah kyak ci. Chang tumat naw aloma ah m’shi k’ni cu geit ci.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

TITUS 2:13

Cun cu hlüngtai säih Khanpughi la mi Hunbawipa Jesuh Khrit ah bämang nak ang dang law nak vai ah, mi ngaih u ah yeikyai nak ah hnüüp mi ngäng nak ah kyak ci.

MATTHE 22:2

“Khanpughi ah uknak kho cu shin ah mäih ah kya ci. Hngü ät ung ghangpughang tumat cu, a hta ah chu la ne m’um khai ah pawng hteim ci.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

MATTHE 3:2

“Nami shetkat nak ng’nü ung ng’yu ba vä, Khanpughi ah uknak kho cu ng’et law pyii ci nei” cine ng’thu pyein ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

1 KORIN 11:2

Nangmi naw kei cu angtäi sei na shümba u ne, ka ning m’thei thang gui cu nami läk ah hmawk ah ka ning m’hlüngtai gui ci.

MATTHE 20:1

“Khankho uknak cu shin ah mäih ah kyak ci. Kho hnüüp ät ung sapyit lo tak ciah chang tumat cu lo bi ah ng’ghüh khai ah kho ngawi hta ah hteit ngawi ci.

MATTHE 13:47

“Cun kawn ah phi Khanpughi ah uknak kho cu shin ah mäih ah kyak ci. Nga shui ci gui cu tuili ung ng’vai ami vawih ung nga a hlü hlü uk ne phak ci gui.

SAM 45:14

Cüi ciah pänsam awn ani cu ghangpughang ah hteh püi ci gui. A hnu ah hnumi hta gui naw läk law ci gui, ngami phi ghangpughang ah ami hteh püi gui.

MATTHE 13:38

Loma cu khomdek khan ah kyak ci. M’shi k’ni cu khankho uknak khäm ciah chang gui ah kyak ci.

SOLOMON NG’Ä~ 5:8

Jerusalem hnumi, shaitak na pe ä kei naw ka m’hni ah chang cu nami hmuh ah akyak ung, kei cümbawng ne ka k’tha aken ah mawng nami m’thein vai nei.

THU PHLAAN 4:5

Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

LAMKTU 20:8

Keimi ah ng’bum nak ah kyong khui ah mei im akda kami m’däi ci.

MATTHE 13:31

Bawipa Jesuh naw a hei tumat awn m’tumtäng ne a pyein cu, “Khanpughi ah uknak ah kho cu shin ah mäih ah kyak ci. Chang tumat naw anhta ui cu la ne aloma ah geit ci.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

MATTHE 25:7

Lamihta sing gha cu tho law ba u ne, ami mei im pyang ne pawng m’hteim ci gui.

JOHAN 18:3

Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui.

THU PHLAAN 8:10

Akthum nak ah khankho chang naw ak phyungheng cu tum khätah, ng’laam ne däi ciah mei m’lei ah mäih ah aisi nu cu khan ah kaa, tuinu bumthum bum ät la tuihta gui ah khan ah kya lawk ci.