MATTHE 24:9 - Cho Bible Common Language 2016

⁹ “Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

MATTHE 24:9 Referans Kwoze

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

LUKA 21:12

Cun gui kä a gawk law pha ung chang gui naw ning pha gui ne, ning dukdeiu na gui khai gui. Pum im ah m’khoichaa vai ah ning ap gui u ne, thawng ung ning chum gui khai gui. Nangmi cu kei ah hmawk ah ghangpughang ah ma, bawi ah ma ah nami gawk khai.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

1 PETER 4:16

Cun ung phi Khritha ah na mi kyak ah hmawk ah geinvai dukdeiu nak a gawk law ung kä na mi thui ng’aa vai nei, Bawi Khrit ah ming ung nami om pyi ci kyasei Khanpughi nami m’hlüngtai vai nei.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

LAMKTU 7:59

Cun ah lung awn ami vawih yah ung Stephen cu, “Oh Jesuh Bawipa kamumcha na yuk la peä” cine taigü ci.

LUKA 11:49

Ashin ah mawng Khanpughi naw ng’thu thuuk ung a pyein cu, “Kei naw ngami ah ng’lung ah profet gui la ng’shä gui cu ka tüi gui khai, ngami naw amshah cu ngawn u ne, amshah cu k’shedam nak khai gui.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

LAMKTU 28:22

Cun ung phi chang akda naw, a hawi hawi baw, nang ah pati ah mawng cu hnu ng’tuk püi ne ng’thu ci gui nei. Cun ah kya sei nang ah pati ah mawng cu keimi naw phi kami ng’ya tu hlük ci nei” cik ci gui.

MATTHE 22:6

Ahei tumat cu sumlei khai ah hteit ci, amshah gui naw khü lawk ciah chang gui cu pha ne tuthat ci gui.

NG'THU K'THUUK~ 29:27

Düng ciah chang naw akshe cu thüi nak ci, shek ciah chang naw düng cicu thüi nak ci.

DANIEL 11:33

Cüivai ciah ang vaihta gui naw chang akda am cüivai nak ah mawng m’thein khai gui. Cun ung phi kä shou pha sei amshah cu ng’tuk nak ung ngawn gui khai gui, amshah cu guttep u ne thawng ung chum khai gui.

JOHAN 15:18

M’Dek chang naw ami ning gen gui ung kei na gen ma ci gui ah nami hmat vai nei.

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.