MATTHE 24:6 - Cho Bible Common Language 2016

⁶ Nangmi naw ang et nak ung ng’tuk nak ah k’aw gui nami ng’yak khai, a shou nak ah ng’tuk ah mawng gui nami ng’yak khai, cun ung phi kä nami kyihkyawk vai. Acun gui cu om lawk khai, cun ung phi kho a khüt nak kä gawk law phak ci.

MATTHE 24:6 Referans Kwoze

LUKA 21:9

Acun gui ah hnu ah kä nami läk-en vai nei. Ng’tuk-ah ah mawng la ng’küükneet nak ah mawng nami ng’yak ung kä nami kyihkyawk en vai. Acun gui cu akhtük ung gawk law ma khai, cun ung phi kho ang pyi nak vai ah a khin kä gawk law phak ci nei” cik ci.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

2 THESSALONIAN 2:2

“Bawipa ah kyum law nak ah hnüüp gawk lawk ci nei,” cine ami pyein nami ng’yak ung acun vai-am cäicat thüngphyong ne kä nami kyak vai. Shin ah a mawng cu kami ng’cää bang nak ung phi bäi, thu kami pyein nak ung phi, ca kami guk nak ung phi bäi, dang ci nei, cine chang gui naw ngai hngaw khai gui.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

SAM 112:7

Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.

MATTHE 24:14

Khankho uknak ah mawng thu ni cu khodek khan avan ung chang nüng ah ma ah saksi ne pyein yawp kawn ah, kho ah ng’pyi nak vai ah khin cu gawk lawk khai nei.

LUKA 21:19

Akhäng htek ah nami ng’düih vai, cun ung hun phiawn nak nami gah khai.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

MATTHE 26:54

Cun ung phi kei naw cun ah ka bi ung a i hawk-cha ah cacim cu kümbe hlawt khai ang,” cine kyak na gui ci.

EZEKIEL 21:28

“Hnicim chang, cängbang ä, kei, uktu Bawipa naw, Israel gui shedam na gui ciah Ammonit gui ka pyen nak gui cu ng’shäu ä. Na pyen nak gui vai cu: Khimsem cu m’di ge khai ah om ci nei: cun cu ngawn nak vai la lailäp ne vai khai ah m’tui pyi nei.

JEREMIAH 47:6

Nangmi naw m’lau u ne, ‘BAWIPA ah khimsem, Nang naw a i güt na tu aat khai ang? Khim käp khui ah lut ba ne a düm ah om mä!

ISAIAH 7:4

Ang nih nak vai, akcing ah a om vai. Kä a kyih kyawk vai, kä a m’lungso vai ah na m’thein vai nei. Ghangpughang Rezin la a Sirian chang gui la Ghangpughang Pekah ah m’lungshe nak cu ui ngän ngän ciah sing tawn hnih hlawk ah kyih vai ah kä kya ba ci nei.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

THU PHLAAN 6:4

Cun kawn ah ng’se asen tumat lut lawk ci. Cun ung cun ci-am chang gui tumat la tumat ngawn nak tu vai ah khomdek khan ung ng’tuk bi nak huham cu ami peit ah kyak ci. Ani-am khim asen lu ät phi ami peit ah kyak ci.