MATTHE 24:5 - Cho Bible Common Language 2016

⁵ Kei cu Messiah nei,’ cine chang akda naw kei ah ng’hlawk ne chang khli m’hleeihlak lawk khai gui nei.

MATTHE 24:5 Referans Kwoze

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 24:11

Profet ah ng’hlawk ci chang akda om law ne, chang gui cu m’hleeihlak lawk khai gui nei,

JEREMIAH 14:14

Cun ung phi Bawipa naw na m’shang ne, “Prophet gui naw kei ah min gung ami hleei pyen ci gui nei, kei naw ngami kä ka tüi gui ci, kei naw a i ng’thu kä ka k’bäi gui ci, ng’thu m’kha ät phi kä ka pyen na gui ci. Ngami naw ami pyen ah muimang cu kei ung ka lawk ciah kä kyak ci; ngami ah cängbang nak gui cu ami ngaih düt akholä ah kyak ci.

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.

JEREMIAH 23:25

Cun ah prophet gui ah pyen cu kei naw ka hmat gui ci nei, ngami naw kei ah ming awn ami hleei pyen u ne, ami man gung kei naw ka ng’thu ka pe gui ciah pyen ci gui.

JOHAN 5:43

Kei cu Kapa ah m’khüt näng nak awn ka lawk ci, cun ung phi nangmi naw kä nami na dou ci. Chang tumat cu amät ah m’khüt näng nak awn a law vai sü ung nami dou khai sü te nei.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

JEREMIAH 23:21

Bawipa naw pyen ci, “Shin ah prophet gui cu ami hteh pang ung phi kei naw ka tüih gui ah kä kyak ci. Kei ah min gung thu ami pyen pang ung phi kei naw ng’thu api phi kä ka pe gui ci.

JEREMIAH 37:9

Kei, Bawipa naw ka ning thukbäigui cu, Babilonian gui kä law ba khai gui cine ngai ne, nami mät naw nami mät kä nami m’hleei en vai nei, a i ah kyasei ci ung ngami cu law ba khai gui nei.

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

JOHAN 8:28

Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.

1 JOHAN 2:22

Cun ah kyasei, hleeihlak ciah chang cu a u ang? Bawi Jesuh cu Messiah ah kä kyak ci, cik ciah chang cu hleeihlak ciah kyak ci. Cun ah chang cu Bawi Khrit ah Gaa ah kyak ci — ani cu Apa la A hta ani nik hnih hnu ng’tuk püi ciah kyak ci.

1 JOHAN 4:3

Cun ung phi cun ah kä ng’kiaa ne Bawi Jesuh ung Khanpughi ah Mumcha kä om ci, ciah lingkeng ciah chang gui cu, Khanpughi ah Mumcha kä gah ciah kyak ci. Cun ah chang ung om cicu Bawi Khrit ah Gaa ah mümcha ah kyak ci. Bawi Khrit ah Gaa cu gawk lawk khai ah nangmi naw nami ng’yak ci, ani cu khomdek khan ah gawk law pyi ci nei.