MATTHE 24:36 - Cho Bible Common Language 2016

³⁶ “Cun ung phi cun ah hnüüp lacun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci, Pa Khanpughi bäng naw hmat ci.

MATTHE 24:36 Referans Kwoze

MAKUH 13:32

“Cun ung phi cun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci.

LAMKTU 1:7

Bawipa Jesuh naw, “Akhin cu Pa Khanpughi ah m’khüt näng nak bäng ah kyak seih nang mi naw na mi hmat vai ah kä kyak ci.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

1 THESSALONIAN 5:2

A i ah kyasei ci ung Bawipa ah kho Hnüüp cu khomü ah m’guk-ei a law ah mäih ah gawk lawk khai nei, cicu nangmi nami mät naw nami hmat pyi ah kyak ci.

THU PHLAAN 16:15

“Ngai vä, kei cu m’guk-ei ah mäih ah ka lawk khai nei! Cii m’gang ne asui them ngäng ciah chang cu akplui ah kä om khai, chang ah hmu ah kä lüng’aa khai, yeikyai nak om khai nei.”

MATTHE 24:42

Cun ah kyasei geing nah ne nami ngäng vai, nami Bawipa a i yah ung alaw vai kä nami hmat ci.

MATTHE 25:13

“Cun ah kyasei nangmi cun phi cun ah hnüüp, cun ah khin cu kä nami hmat ci kyasei, ngaih na ne nami ngäng vai nei!’

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

ZEKHARIAH 14:7

Khaw ah hmüp nak phi kä om ba khai, ng’täi sei hnüüp khaw dei ah kyak khai, mü ah phi dei khai. Cun ah a kyak law vai khin cu Bawipa bäng naw hmat ci.