MATTHE 24:31 - Cho Bible Common Language 2016

³¹ Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

MATTHE 24:31 Referans Kwoze

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

MAKUH 13:27

Cun kawn ah chang ah Htapa naw, khankho chang gui cu tüi gui ne, khomdek khankho cawi ungka naw, khankho, kho cawi ung khüt khai ah, a ghü pyi ah chang gui cu, khäm ne k’bum sak gui khai.

ISAIAH 27:13

Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.

1 KORIN 15:52

Mikmi mi van cu kä mi sik khai, cun ung phi pyungheng ami tum law ung mikmi cu mik m’chip ah mäih ah a shänghta ung mi ng’thang yawp khai. Ak hnu ah k’phyungheng ami tum law ung sik ci gui cu tho ba u ne, sih nak cu angtäi ah phyawng nak khai gui. Mikmi mi van cun phi mi ng’thong yawp khai.

ISAIAH 11:12

Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

2 THESSALONIAN 2:1

Bawipa Jesuh Khrit a kyum law ah mawng la ani awn a täng ah om vai ah mi bum law ah mawng cu ka ning m’thein gui ci nei, Phäi nau gui aw.

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

JOHAN 11:52

akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

ISAIAH 45:22

“Khomdek khan ung om ciah chang avan kei ah ng’hlat law vä, hun nak nami gah khai nei! Kei bäing nei khanpughi ah ka kyak ci.

ISAIAH 43:6

Ami hteh sak gu vai ah a siiptäng cu ka pyen nak khai, a htum täng am phi kä ami ma nak gui vai ah ka pyen na gui khai. Ka chang gui cu a shou nak ah khaw ung ka, khomdek khan khaw nü ung ka law bu u sä.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

ISAIAH 60:4

Na pei yung cu teng ä, a i, i ah a kyak cu na hmu ne ang? Na chang gui cu lm ah law ba khai gui ah ng’bum ci gui nei! Na htapa gui cu a shou nak ah ka lawk khai gui nei; Na hta hnumi gui cu a hmaw hta gui ah mäih ah Chang gui naw law püi gui khai gui nei.

ISAIAH 49:18

Veing ne teng ne, a i ah kyak cicu na hmuh vai nei! Na chang gui cu ng’bum u ne ami im ah law ba ci gui nei! Kei cu ak cang ah ghing ciah khanpughi nei, ceimah khai ah hnumi hta pyülung ng’mo awn a khähghah ah mäih ah nang cu na chang gui awn na khäh ghah khai nei.

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

THU PHLAAN 7:1

Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.

ZEKHARIAH 9:14

Bawipa cu a chang gui ah khan ah ng’dang lawk khai; Ani naw am’la gui cu khaw lailäp ah mäih ah kap khai. Uk ciah Bawipa naw phyung heng tum khai; A htumtäng ah ka puikhaw ah khi ne lawk khai.

THULÄÄN NAK 30:4

Nangmi cu shou pikbäih ciah khomdek ah cawi ah gawk ne nami püipyang ung phiBawipa nami Khanpughi naw a täng ah ning m’cut ba gui ne ning law püi ba gui khai.

THU PHLAAN 8:2

Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.

DANIEL 7:2

Cun cu mü ka hmuh m’hnüt nak ah kyak ci. Lam avan ung kho khi law ci, tuinu ah khan ung tui hnawk lawk ci.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

SAM 67:7

Khanpughi naw hriham na pe gui ci nei, kho nü ung chang van naw ngak sä.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

ZEKHARIAH 9:10

Bawipa naw, “Kei naw Israel ungka ng’tuk nak ah yatha gui la Jerusalem ungka ng’se gui cu, Ka lak khai nei; Ami ng’tuk nak ah li gui phi Ka m’di khai nei. Nami ghangpughang naw chang pakhui gui ah ng’lung ah dimdeeih nak bik khai nei; Ani naw vang tuinu ungka naw vang tuinu, Euphratis tuinu ungka naw, khaw cawi ah khüt khai ah, uk khai nei” cik ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

PHYAWN NAK 19:16

A hnüüp thum hnüüp khaw ngawi hta ah khaw ng’hmum ne lailäp sei, m’htung khan ah ng’mei ng’thong dang lawk ci, ng’shan ciah phyungheng tum cu ng’yak ci gui, phung ung om ciah chang gui ami van ng’hlet ci gui.

THULÄÄN NAK 4:32

“Ng’pyi pyi ciah a khin, kä nami ng’tüi nak pha ah akhin, khomdek khan ung Khanpughi naw chang a tüisho yah ah a khin gui cu shuiyap ba vä. A shin ah mäih ah dämduh ciah a mawng cu kya tu man ne ang? Shin ah mäih ah a mawng ng’ya tu man ciah chang om man ne ang?

ZEKHARIAH 6:5

Ani naw, “Ngami cu khokhi mawng phli ah kyak ci gui, m’dek khan avan khäm ciah Bawi ah ma ungka tuhbäi lawk ci gui ah kyak ci.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 24:32

“Theighing ah mawng ung m’theithang nak tumat cu nami ngaih vai. Cun ah theighing ah ang ban gui cu m’khek law ne ak thai ah a lim law ung kho a chaa vai ng’et lawk ciah nami hmat ci.

HEBRU 12:19

phyungheng tum k’aw la khankho k’aw ang thang law nak ah kyak ci. Chang gui naw cun nah k’aw ng’yah u netah, cun kawn ah kä ami ng’yak-en ba vai ah ng’coi ng’paa ci gui.