MATTHE 24:3 - Cho Bible Common Language 2016

³ Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

MATTHE 24:3 Referans Kwoze

LAMKTU 1:7

Bawipa Jesuh naw, “Akhin cu Pa Khanpughi ah m’khüt näng nak bäng ah kyak seih nang mi naw na mi hmat vai ah kä kyak ci.

MATTHE 24:37

Chang ah Htapa a kyum law ung Noah ah khin ung a kyak ah mäih kyak khai nei.

MATTHE 13:49

Kho ang pyii hnüüp ung acun ah mäih ah kya lawk khai. Khankho Chang gui kyum law u ne, changnigui ah lung ung kaa, chang she gui cu ghü u netah,

LUKA 21:7

Ngami naw, “Sayapa, a i a khin ung cun gui cu kya lawk khai ang? Acun ah a kyak law gui vai hmat nak vai ah a i gui dang law ma khai ang?” cine ng’shik ci gui.

MATTHE 21:1

Bawipa Jesuh la ang düihpüi gui cu Jerusalem k’et lawk ciah Olives khomhtung pei Bethphage gawnu ah gawk law ci gui. Bawipa Jesuh naw ang düihpüi hnih cu khü goi netah,

MATTHE 24:39

Cun ah chang gui cu tui naw plüm gui sei dimaih law güt u ne, a i kä hmat ne om ci gui. Chang ah Htapa a kyum law yah ung phi a cun ah mäih ah kyak khai nei.

MATTHE 24:27

Hnilaw ungka naw hni kiaak ung khüt khai ah khankho mik avan deikhang sak ciah kholailäp ah mäih ah chang ah Htapa cu kyum lawk khai nei.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 17:19

Cun kawn ah ang düihpüi gui cu Bawipa Jesuh amät a om yah ung a pei ah law u netah, “Keimi naw khoshe cu a i ah kyasei kä kami täm hlawt ang?” cine ng’shik ci gui.

MATTHE 24:43

Im ah naw m’guk ei a law vai a hmat ung, geing ah ne om sei, m’guk ei naw a im cu hmawng ne käm gu hlawt khai ah nami hmat ci.

MATTHE 15:12

Ang düihpüi gui naw a pei ah law u netah, “Nang Bawipa naw thu na pyein ah phäh ah pharisee gui m’lungkshe ci gui nei, na hmat ci ang?” cine pyein lawk ci gui.

MATTHE 13:36

Bawipa Jesuh cu chang gui ah ng’lung ah kaa, ng’dü law ne kyong ah lut ba ci. Cun yah ung ang düihpüi gui naw a pei ah law u netah, “Khumgho awn am tumtäng nak ah mawng cu m’dang ne nam thein gui ä,” cik ci gui.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.