MATTHE 24:29 - Cho Bible Common Language 2016

²⁹ “Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

MATTHE 24:29 Referans Kwoze

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

JOEL 3:15

Hni la cha hmüp yawp ci, aisi gui kä khang ba ci.

ISAIAH 13:10

Aisi gui la aba hta phlu gui kä ng’shü ba khai gui, hni a luh law ung hnüüp khai, cha phi kä dei ba khai.

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.

ISAIAH 34:4

Hni la cha ni, aisi gui cu m’vut ah khai gui. Khan kho mik cu k’sho ah mäih ah ng’tho ne maih khai, aisi gui cu, thei sing, käcung sapyit ung ka a hnah gui a kiawi ah mäih ah kiawi khai gui.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

AMOS 5:20

Bawipa ah hnüüp naw hmüp khui law püi khai, akdei kä law püi khai. Cun cu m’thaan nu ah kyak khai, api ah phi kä dei khai.

MATTHE 24:21

Cun ah a khin ung ang htei ah shekak ciah yaica nak gawk lawk khai. Cun hlawk ah shekak ciah yaica nak cu khodek ang tüi law ung tün ne a i yah ung phi chang gui naw kä bui awt man khai gui. Ngawi ah phi bui awt ba vai ah kä kyak ci.

MATTHE 24:8

cun gui cu gawk lawk khai ah yaica nak gui vai ah, lam ma lawk ciah kyak ci.

THUSHÄUTU 12:2

Cun yah ung nangmi ah hmawk ah ng’hni ci, cha ni, aisi gui ni ah akdei cu hmüüp lawk khai, khongmei gui phi kä maih hlawt khai.