MATTHE 24:28 - Cho Bible Common Language 2016

²⁸ “Chang si gui ah om nak ah langta gui ng’bum khai gui nei.

MATTHE 24:28 Referans Kwoze

LUKA 17:37

Ang düihpüi gui naw, “Bawipa, cun gui cu, a hawn ah kho ung kia lawk khai ang?” cine ng’shi u khätah; Bawipa Jesuh naw, “Aksi gui ah om nak ah langta gui ng’bum lawk khai gui nei” cine m’thein gui ci.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

EZEKIEL 39:17

Uktu Bawipa naw na pyen nak ci, “Hnicim chang, shin ah ang veing avan ungka, kha gui la khisa gui avan cu, kei naw ka pyan pek gui ah khawihnah nak ami ei law vai ah khü gui ä. Cun cu Israel khomhtung khan ah dämduh ciah ei ah kyak khai nei, acu ah ngami naw sa ei ne si awk khai gui nei.

HABAKKUK 1:8

“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.