MATTHE 24:24 - Cho Bible Common Language 2016

²⁴ Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 24:24 Referans Kwoze

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

MATTHE 24:11

Profet ah ng’hlawk ci chang akda om law ne, chang gui cu m’hleeihlak lawk khai gui nei,

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

MATTHE 24:5

Kei cu Messiah nei,’ cine chang akda naw kei ah ng’hlawk ne chang khli m’hleeihlak lawk khai gui nei.

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

THULÄÄN NAK 13:1

Prophet, kä cun ung, mang k’phlan ciah chang naw cäi aih vai, kä cun ung cäicat vai gui a pyen ah a kyak ung,

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

JOHAN 6:39

Na tüi lawk ciah ang yak hlü cu, amät ah na ap ah chang gui di maih nak ung kä gawk khai gui ah, akhnu hnüüp ung sihnak ung kaa ka thawh ba sak gui vai ah kyak ci.

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

KALATIAN 4:15

Cun yah ung ang htei ah nami yeikyai te ci, tuhbäi a i ah nami kia lawk ci ang? Cun yah ung nangmi cu nami m’khüt vai sü ung nami mik hngaw kawih ne nami na pek khai ah nami kyak cu ka pyein ba hlük ci.

ROMAN 12:18

Chang nüng nüng awn ng’gei gaan ne nami om vai nei,

LAMKTU 20:16

Paul cu Asia kho ah ak shou kä om hlü netah Ephesus sun pah ne htinpaw awn hteh vai ah k’bäi ci. Ani cu Jerusalem ah Pentekos hnüüp pha vai ah ak yang ah hteit ci.

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

MATTHE 22:14

Cun kawn ah Bawipa Jesuh naw, “Khü ah chang gui läi da ci gui te, ghü ah chang gui cu ken ci gui nei,” cine kyak na gui ci.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.

1 JOHAN 2:22

Cun ah kyasei, hleeihlak ciah chang cu a u ang? Bawi Jesuh cu Messiah ah kä kyak ci, cik ciah chang cu hleeihlak ciah kyak ci. Cun ah chang cu Bawi Khrit ah Gaa ah kyak ci — ani cu Apa la A hta ani nik hnih hnu ng’tuk püi ciah kyak ci.