MATTHE 24:15 - Cho Bible Common Language 2016

¹⁵ “Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

MATTHE 24:15 Referans Kwoze

DANIEL 9:27

Cun ah uktu naw chang akda gui awn yumnak ät cu kum chih khän sak khai, kum thum la avang a lüng ung ani naw khawihnah nak la douthak nak cu ng’pyi sak khai. Kyihkyawk shemshai vai kyak cicu Taigüim ah a hlüng nak pikbäih ung tha khai gui. Cun cu acun tha ci am Khanpughi naw a pawng püi pek ang pyi nak a bui awt güt ung om khai.”

DANIEL 12:11

A hnüüptä khawihnah nak ang düm nak khin cu kyihkyawk shemshai nak ah akhin ung tün ci, cun ung hnüüp 1290 ng’pyi khai.

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

DANIEL 11:31

Am shah gakap gui naw Taigüim cu shemshai sak khai gui. Ngami naw a hnüüptä khawihnah nak cu düm sak khai gui. Kyihkyawk shemshai vai kyak cicu m’düih khai gui.

THU PHLAAN 1:3

Shin ah mawng gui a khüm law nak vai ng’et law pi ci kyasei, shin ah ca phat ciah chang phung la shin ah ng’cäi nak ah ng’thuthuuk ngai ng’yak ciah chang phung ni, shin ung guk ah thuthuuk läk ciah chang gui phung cu, yeikyai nak om ci nei.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

DANIEL 9:23

Nang naw Khanpughi ah na ng’coipa sangung ani naw ning m’shang ci. Ani naw ning m’hni gui ci, cun ah kyasei ani naw a ning m’shan nak gui cu kei naw law püi ne ka ning m’thein gui ci. Tuhbäi muimang phlan ne ka ning m’thein gui yah ung geing na ne nami ngaih vai nei.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

LAMKTU 6:13

Cun kawn ah hleei neh saksi khai gui phi, thäm law gui ci gui. Cun ah saksi gui naw, “Shin na chang cu Taigüim lah Moses ah ng’thu m’khän cu hnu nah neh ng’thu pyein ci nei,

THU PHLAAN 3:22

“Khrithabum gui-am Mumcha naw am thein gui cu nami hnga a om ung ngai ne ng’ya vä!

LAMKTU 21:28

Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.

EZEKIEL 40:4

Ani naw na pyen nak ci, “Hnicim chang, teng ä, kei naw ka ning m’hnuh phung geing na ne ngai ne, na m’htei kheng vai nei, a i ah kyasei ci ung acun vai ah phäh ah nangmi hmuh nü nü cu Israel chang gui am nami m’thein gui vai nei.

JOHAN 11:48

Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.

JEREMIAH 44:29

Kei, Bawipa naw, shin ah hmun ung ka ning m’kyuk gui khai ci la nami khan ah dishum nak ka law püi khai cicu bä lawk khai, cicu kei naw m’khän nak ka ning pe gui khai.

DANIEL 1:6

Cun ah ami ghü gui cu Daniela, Hananiah, Mishael la Azariah ah kyak ci, ngami ami van cu Judah pakhui ungka ah kyak ci gui.

MATTHE 24:16

Cun ah ami hmuh law ung Judea kho ah chang gui cu, khomhtung ah dawng u sä.