MATTHE 24:14 - Cho Bible Common Language 2016

¹⁴ Khankho uknak ah mawng thu ni cu khodek khan avan ung chang nüng ah ma ah saksi ne pyein yawp kawn ah, kho ah ng’pyi nak vai ah khin cu gawk lawk khai nei.

MATTHE 24:14 Referans Kwoze

THU PHLAAN 14:6

Cun kawn ah khankho ah khankho chang tumat cu yong shüi shüi sei ka hmuk ci. Ani naw mdek ah khan a khaw päng ungka a hlü hlü ah ng’thu ciah khui päng pa päng-am m’thein vai ah ang täi ah om ciah Thu Ni cu law püi ci.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

MATTHE 10:7

‘Khankho uknak ng’et lawk ci nei,” cine ng’thu pyein vä!

MATTHE 9:35

Bawipa Jesuh cu gawnu, gawhta apigaw päng ung hteit ne, pum im gui ung m’theithang gui ci. Khanpughi ah uknak kho a mawng thu k’ni gui cu m’theithang gui ne, gawpai nak a hlü hlü ung gawpai ci gui phi gai sak gui ci.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

MATTHE 24:6

Nangmi naw ang et nak ung ng’tuk nak ah k’aw gui nami ng’yak khai, a shou nak ah ng’tuk ah mawng gui nami ng’yak khai, cun ung phi kä nami kyihkyawk vai. Acun gui cu om lawk khai, cun ung phi kho a khüt nak kä gawk law phak ci.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

EZEKIEL 7:10

Israel ah phäh ah leigai a gawk law nak ah hnüüp cu gawk lawk ci nei. Kiawi m’saa nak cu däm ng’ghaw ci nei. Chang ah ng’shei nak cu hlüng pikbäih ci nei.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

LAMKTU 20:25

Kei naw hteit shüi shüi ne nami ng’lung ah, Khanpughi ah uk nak kho ah mawng cu ka pyein pyi ci. Cun ung phi nangmi ungka a u phi kei na hmu law ba khai kä om ciah ka hmat ci.

MATTHE 24:3

Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

LUKA 4:5

Akhnih vei nak ah khoshe naw, Bawipa Jesuh cu chaang ne, khomdek khan ung Bawimang uknak avan cu m’hnuh netah;

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

MATTHE 18:19

“Kei naw akcang ka pyein cu khomdek khan ung chang hnih hta naw phi yum ne, a täng ah nami taigü ung khankho ah om ciah Kapa naw nami ng’yoih phung cu ning pe gui khai.

LUKA 2:1

Cun yah ung ghangpughang Aukustus naw Roman khopäng avan ung chang sing avan khei vai ah k’bäi ci.

MAKUH 13:10

Kho kä a khüt pha ung nangmi naw Thu Ni cu ng’shäu ne chang pakhui avan-am nami m’thein khai.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

LAMKTU 19:27

Mikmi ah bi lawh cu ang ming she ne ng’ä vai ah kya lawk ci. Cun bäng ah kä kya ciah, Asia la khomdek khan van naw a yum ah kho hnumitha Artemis cun phi ng’ä nak vai kya law ne, a hlüngtai nak phi dimaih lawk khai nei” cine pyein ci.

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

HEBRU 2:5

Khanpughi naw khanchang gui am lawk ciah khomdek thai cu uk nak vai kä pe gui ci. Cun ah mawng cu mi pyein ah kyak ci.