MATTHE 23:9 - Cho Bible Common Language 2016

⁹ Khomdek khan ah a u phi ‘Pa’ ah kä nami khü vai, nangmi ung khankho ah nami pa tumat bäng om ci.

MATTHE 23:9 Referans Kwoze

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

HEBRU 12:9

Hnicim chang mi pa naw hma m’kyuk ne nam cäi gui sei, mikmi naw phi mik chang m’sui ci. Cun ah kyasei mümcha lam ung mi pa ah nam cäi nak gui läi cu ak tung pui ah ngai ne mi ghin püi vai ah kyak ci nei.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

MATTHE 7:11

Nangmi chang kaa gui hngaw naw nami hta gui-am ak ni peit vai nami hmat ung, khankho ah om ciah nami Pa naw, ama ah ng’yoi lawk ciah chang gui-am ak ni pi gui cu pek khai ah kä kya ne ang?

1 KORIN 4:15

Khritha ah nami ghin nak ung ning m’theithang gui khai tämkäp phyaa khak a om ung phi nami Pa cu tumat bäng ah kyak ci. Kei naw Thu Ni cu nangmi ah law püi ngä sei, Bawi Khrih Jesuh ung nami ghin nak tu awn kei cu nangmi ah pa ah ka kya lawk ci.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

LAMKTU 22:1

“Israel chang nupa phäi nau gui aw, tuk bäi ka mät ah mawng phlehphlang ne ka pyein lawk khai na ngai tu vä!

2 GHANGPUGHANG GUI 2:12

Elisha naw hmu neta, Elijah cu kyap ne khü ci, “Kapa, kapa! M’gäi ne, Israel gui shungvong gui ci! Nang cu na ng’kawn pyi ci nei!” Cun kawn ah ani naw Elijah cu kä hmu ba ci. Elisha naw thüisei ne, a suinu cu hnih ah k’teek ci.

MATTHE 6:32

(Khanpughi kä yum ci gui cu acun ah ng’ä ai ci gui nei.) Khankho ah om ciah nami Pa naw, cun gui nangmi naw nami ng’yak hlü cu avan hmat ci.

2 GHANGPUGHANG GUI 13:14

Prophet Elisha cu gawpyam ne ng’yän ci. Ani si hlü ne ang yän yah ung Israel ghangpughang Jehoash cu om law tuk ci. Ani naw kyap neta, “Kapa, Kapa! Nang cu m’gäi ne, Israel ghung ciah na kyak ci nei!” cik ci.

2 GHANGPUGHANG GUI 6:21

Israel ghangpughang naw Sirian gui cu hmu law gui neta Elisha cu ng’shik ci, “Bawi aw, shin gui ka ngawn gui vai ang? Ka ngawn gui vai ang?”

MATTHE 23:10

Nangmi naw ang vaipi ciah khü phi kä nami ng’yak hlü vai, Nangmi ung Messiah ciah nami ng’vaipi tumat bäng om ci.