MATTHE 23:8 - Cho Bible Common Language 2016

⁸ Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

MATTHE 23:8 Referans Kwoze

JAMES 3:1

Ka phäinau gui aw, saya hlük ciah chang kä da-en sä. Nami hmat ah mäih ah mikmi saya gui cu, chang hei gui ah mä, ng’cet pi khai ah m’khoichaa nak mi gah khai nei.

1 PETER 5:3

Nami kut ung ng’ap ci gui uk vai ah kä nami tha nak vai, htomebum ah thei tu vai ah nami om vai.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

MATTHE 23:10

Nangmi naw ang vaipi ciah khü phi kä nami ng’yak hlü vai, Nangmi ung Messiah ciah nami ng’vaipi tumat bäng om ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

THU PHLAAN 22:9

Khankho chang naw, “Shik cha ah kä na bi vai, kei cu nang ah püipaw ah ka kyak ci, na phäi nau purofet gui la shin ah cauk ung om ciah cacim läk ciah chang gui ah püipaw ah phi ka kiak ci, Khanpughi bäng na khawihnah vai nei” ci na kyak nak ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

EPHESIAN 3:15

Ani cu Khankho la khomdek ung kyongkhui mah phung avan naw ming akcang ami gah nak ah kyak ci.

2 KORIN 4:5

Keimi naw ka mi mät ah mawng kami pyeinsak ah kä kyak ci; Jesuh Khrih cu Bawi ah a kyak ah mawng la keimi cu Bawi Jesuh ah hmawk ah nangmi ah changshäm ah kami kyak ah mawng kami pyein ci.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

MATTHE 26:49

Judas cu Bawipa Jesuh ah yäih ne dawng law netah “Bawipa Zeikiai nak om sä,” cine Bawipa Jesuh cu m’hnam ne ng’ui ci.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

MATTHE 26:25

Bawipa Jesuh ga ah kut ung ap khai ah Judas naw, “Bawipa, cun ah chang cu kei ah kä kya naw? cine ng’shi khätah, Bawipa Jesuh naw, “Na pyein ah mäih ah hman ci nei,” cine pyen nak ci.

MAKUH 9:5

Cun ah kya khätah Peter naw, “Bawipa, shin ah hmun cu om nak vai ah nik ci nei, nang ah phäh ah k’pyu tumat, Mosesah phäh ah k’pyu tumat, Elijah ah phäh ah k’pyu tumat, k’pyu tung thum ah kami co khai nei” cine Bawipa Jesuh ah ma ah pyein ci.

MAKUH 10:51

Bawipa Jesuh naw, “Nang ah phäh ah a i ka ning bi peit vai ang nang yak hlü” ci ne ng’shik ci. A mik m’dauh ciah chang naw, “Bawipa, ka mik nam dei ba sak ä” cine pyein ci.

MAKUH 11:21

Peter naw shüm law ba netah, ‘Bawipa, Teng ä, nang naw na taam shüt ah baangghing cu ng’yai ne chawng pyi ci nei” cine pyein ci.

MAKUH 14:45

Judas cu a gawk law vai-am Bawipa Jesuh ah pei ah law netah, “Ka Bawipa, cine Bawipa Jesuh cu ng’ui ci.

JOHAN 1:38

Bawipa Jesuh naw ani läk law hmu goi netah, “A i na ni shui ci ang?” cine ng’shi goi ci. Ngani naw, “Rabbi, a hawi na om ci ang?” cine ng’shik ci goi.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 3:26

Cun ah kyasei, ngami cu Johan ah law u netah, “Saya, Jordan tuinu hei gaa ah nang ah law man ci, a mawng phi na pyein man ah chang cu, na shüm ba ne ang? Ani naw tuhbäi tuihnim gui sei, chang akda ani ah lawk ci gui nei” ci ci.

JOHAN 4:31

Acun yah ung angdüihpüi gui naw, “Sayapa, ei ei toä” cik ci gui.

JOHAN 6:25

Chang gui naw Bawipa Jesuh cu tui vang gaa täng ah hmu ba u netah, “Sayapa, a i yah ung shin gaa ah na gawk law ba ci-ang?” ci ne ng’shik ci gui.

JOHAN 9:2

Angdüihpüi gui naw, “Sayapa, shin ah chang a mik m’dauh cu amät ah katnak ah phäh ah ang? Anupa ah katnak ah phäh ah ang?” cine ng’shik ci gui.

JOHAN 11:8

Angdüihpüi gui naw, “Zasapa, chang gui naw lung awn ami ning vawih hlü nak kä shou phak ci maw, acun ah kho bä ah na hteit ba khai ma?” cik ci gui.

JOHAN 20:16

Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)

PHILIMON 1:16

Tuhbäi ani cu changshäm düt ah kä kya ba ci, changshäm ah mä taai ba pi ne, Bawi Khrit ung phäi nau ah kya lawk ci nei. Chang shäm ah a kyak nak la Bawipa ung kam hni ah phäi nau ah a kyak nak awn kei ah hmawk ah ang htei ah bäi ci. Nang ah hmawk ah cun ah tah bä pi khai nei.