MATTHE 23:5 - Cho Bible Common Language 2016

⁵ Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

MATTHE 23:5 Referans Kwoze

JOHAN 12:43

Ngami cu Khanpughi ah m’tamkhah nak ah mä, chang ah m’tamkhah nak cu m’hni pi ci gui ah kyak ci.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

THULÄÄN NAK 6:8

Ning m’shüm hnuh gui khai ah nami kut ung nami khih vai. Nami m’calai ung nami dak vai.

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

THULÄÄN NAK 22:12

“Na sui ah akit phli ung pa pai gui chui ne na pyan vai.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

PHILIPPIAN 1:15

Chang amshah gui naw m’thüikhang nak ah m’lung ng’tukvook nak hlü ah m’lung awn Bawi Khrit ah mawng cu pyeinsak ci gui, cun ung phi chang amshah naw m’lung ngaih k’ni awn pyeinsak ci gui.

JOHAN 7:18

Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

MATTHE 9:20

Kho kum gha-lei-goi ung asi ng’chawt sei gaw ciah hnumi tumat cu, Bawipa Jesuh ah hnu ah hei k’et netah,

NG'THU K'THUUK~ 3:3

Hläkkhäm nak la bekhüt nak cu kä na ng’dawn sak vai. Na k’hnü ung na awi vai, na m’lung ung na guk vai.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

2 GHANGPUGHANG GUI 10:16

“Kei awn a täng ah law neta, kei naw a i hlawk ah Bawipa ka khawihnah cu na mät naw teng ä” cik ci. Cun kawn ah ngami cu Samaria ah ng’se awn a täng ah hteit ci gui.

THULÄÄN NAK 11:18

“Shin ah thumkhän gui cu shüm ba ne nami m’hni yum vai. Shüm hmat nak vai ah nami ban ung khit ne nami m’cakau ung nami sawm vai.

TAIGÜTHUM 13:32

Taigü naw cun ah hlut cu a hnüüp chih hnüüp teng ba neta, cun cu kä ng’shawng law pi ne, cun ung amu phi kä ng’ai law ne, a pei yung ah avun ung phi kä thuuk law pi ne a kyak ung,