MATTHE 23:4 - Cho Bible Common Language 2016

⁴ Ngami naw chang gui-am gih ne phuih khit vai kyak cicu phuih sak ci gui, ami mät läi naw cun ah phuih cu ami kut m’dawng awn phi kä tawn hlük ci gui.

MATTHE 23:4 Referans Kwoze

LUKA 11:46

Bawipa Jesuh naw, “Thukhän saya gui aw, nangmi ung phi shetkat nak om ci nei, Phuih khit vai ah phuih gih chang-am k’phuih u netah, nami mät läi naw nami kut m’dawng awn phi kä nami tawn hlük ci.

LAMKTU 15:10

Cun ah kyasei nang mi naw a i ah kyasei Khanpughi nami ng’küknet püi hlü ang? Mi pupa gui naw phi bäi, mi mät naw phi bäi kämi phuih hlawt ah phuih cu a i ah kyasei ngah mi am nami phuih sak gui hlü ang?

KALATIAN 6:13

Vun ah vai ah ling ciah chang gui ge naw, thukhän cu kä läk ci gui nei. Vun ah nak nami bi nak awn khähghah hlü u netah, ami ning bi sak gui ah kyak ci.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

THU PHLAAN 2:24

“Cun ung phi ngami ah kawn ah Thiatira ung chang gui naw cun ah shekak ciah m’thei nak cu kä läk ci gui. Chang a hei gui naw Satan ah thuuk ciah a mawng gui ah ami pyein gui cun phi, nangmi naw kä nami m’thei tuk ci. Nangmi ah khan ah a hei phuih gih kä ka taih khai.

LAMKTU 15:28

Khongyo am vawihpeh ah ei cu kä ei vai, si phi kä ei vai.

ISAIAH 46:1

Shin cu Babilon khanpughi gui ah ng’pyi nak ah kyak ci nei! A zan ung Bel la Nebo cu khawihnah man ci gui, Cun ung phi tuhbäi sela ah phuih vai ah kyak sak ci gui.

MATTHE 23:3

Cun ah kyasei ngami ah m’theithang m’cäi ä gui cu nami läk vai. Cun ung phi ngami cu ami pyein ah mäih ah kä om ci gui ah kiasei, ngami ah om ah mäih ah kä nami om-en tu vai.

1 JOHAN 5:3

Khanpughi m’hni nak cicu ang thu khän läk nak ah kyak ci. Ang thu khän läk cu mikmi ah phäh ah phuih gih ah kä kyak ci.