MATTHE 23:39 - Cho Bible Common Language 2016

³⁹ Kei naw tuhbäi ka pyein cu, ‘Bawipa ming awn kyum lawk cicu Khanpughi naw phyutheh nak be sä,’ cine kä pyein pha ah chuih nang naw kei cu kä na na hmu ba khai nei,” ci ne pyein ci.

MATTHE 23:39 Referans Kwoze

SAM 118:26

Bawipa ah ming awn lawk cicu Khanpughi naw hriham k’be sä! Bawipa ah pum im ungka naw hriham kami ning pek ci nei.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

JOHAN 8:56

Nami pa Abraham cu kei ka law vai ah a khin hmu lawk khai kya ne yei ci, acun hmu tuk cang ci kya ne yeikyai ci,” ci na gui ci.

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

JOHAN 8:21

Bawipa Jesuh naw, “Kei ka hteit ba khai, nangmi naw nami na shui khai, cun ung phi nangmi nami katnak awn nami sik khai, kei ah hteh nak ah nangmi kä nami hteit tu hlawt khai,” cine kyak na gui ci.

LUKA 17:22

Cun kawn ah Bawipa Jesuh naw ang düihpüi gui-am, “Chang ah Htapa ah kho hnüüp ät la nangmi ah ng’yak hlü ah kho hnüüp cu gawk lawk khai. Cun ung phi cun goi cu, kä ng’bui khai.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

JOHAN 14:19

Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?