MATTHE 23:35 - Cho Bible Common Language 2016

³⁵ Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

MATTHE 23:35 Referans Kwoze

ZEKHARIAH 1:1

Darius cu Persia ghangpughang ah a kyak nak, a kum goi nak, a cha cheit nak ung Iddo ah tu, Berechiah ah hta, prophet Zekhariah am Bawipa naw shin ah ng’thu cu pek ci.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

ATÜNNAK 4:8

Kain naw anau Abel am, “Lo ah ni hteit kaw” ci sei, lo ah hteit ni neta, Kain naw a nau cu ng’hlah shi ne ngawn ci.

THU PHLAAN 18:24

Babilon mang gaw ah dishum nak ah mawng cu purofet gui ah si, Khanpughi ah chang gui ah si, m’dek khan ung ami ngawn gui ah si gui cu cun ah mang gaw ung ali ah hmawk ah kyak ci.

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

2 GHANGPUGHANG GUI 24:4

aktung pi ah ani naw chang ni gui avan a ngawn gui ah phäh ah kyak ci. Cun ah phäh ah Bawipa naw Manasseh cu kä m’geinsei ci.

2 GHANGPUGHANG GUI 21:16

Manasseh naw changni akda ngawn ne Jerusalem ung lam nu gui cu si awn lon sak ci; ani naw cun ah bi ne Judah chang gui cu a gup khawihnah nak ung lam shüm gui ci, Bawipa hnungtuk ne hmakat nak bi sak gui ci.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

LUKA 11:51

Abel ami ngawn ungka naw, mangkiang la hmun theingcim ah ng’lak ung ami ngawn ah Zecharaiah ung khüt khai ah ami ngawn gui ah hmawk ah tuhchü chang gui cu hma m’kyuk nak gah khai gui nei.

JEREMIAH 26:23

Ngami naw ani cu ghangpughang Jehoiakim ah law püi ba u khäta, ani cu ngawn ne apumsa cu chang gui ah ng’cim hmun ung gawt ci.)

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

JEREMIAH 2:34

Nami suisak gui cu dukhaih ci gui la changnigui ah si awn kawp ci nei, cun cu m’guk-ei gui ah si ah kä kyak ci nei. “Cun ung phi shin gui avan nak vai sü ung.”

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

ISAIAH 14:21

Ngawn sih nak tuhbäi ng’tün sä! Ami pupa gui ah shekat ah phäh ah shin ah ghangpughang ah hta gui si u sä. A u naw phi khomdek kä uk khai gui, mang gaw kä uk khai gui.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.