MATTHE 23:28 - Cho Bible Common Language 2016

²⁸ Acun ah mäih ah nangmi cun phi, ak pung ung chang ah ma ah, chang k’ni gui ah nami ng’shei ung phi, nami m’lung kyong ah thuvi nak la shetkat nak gui awn nami be ci.

MATTHE 23:28 Referans Kwoze

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

NG'THU K'THUUK~ 26:26

Ani naw a thüigen nak cu m’yih ci, Cun ung phi ani naw akshe a bi gui cu, päng naw hmuk ci.

MATTHE 23:27

“Thuvi ciah pharisee gui la thukhän saya gui, nangmi cu bawk khai ah hluk ah guh-am awn nami täng ci nei, guh-am gui cu ak pung ah teng ung ami kyom ung phi, ak kyong ah gook ah a guh, ak thu gui awn be ci.

MATTHE 23:29

“Thuvi ciah pharisee gui la thukhän saya gui, nangmi ung thüsei nak om sä. Nangmi cu profet gui ah ng’cim hmun lung gui nami cawih pe gui ci. Changnigui ah cim hmun lung gui nami m’tui m’thau pe gui ci.

KALATIAN 2:13

A hei Jew khritha gui cun phi Peter ah mäih ah pyai law shüi shüi u sei, Banabas hngaw naw läk law tu gui ci.