MATTHE 23:19 - Cho Bible Common Language 2016

¹⁹ Changshe mik m’dauh gui, peit taak nak ang a küikyang pi, peit taak gui theingthap sak ciah mangkyang ang a küikyang pi?

MATTHE 23:19 Referans Kwoze

PHYAWN NAK 29:37

Shin cu a hnüüp tä hnüüp chih ung na bi vai. Cun kawn ah sonkiang cu akbe ah theingciim khai, a cun tawn ciah chang, tawn ci phung cu acun ah theingcim ciah huham naw theing sak khai.

PHYAWN NAK 30:29

A shin gui cu a shin ah mäih ah na ap ah a kyak ung, cun gui cu akbe ah theingciim khai gui. A cun tawn ciah chang, a cun tawn ci phung cu a cun ah theingciim ciah huham naw m’hawp khai.

HAKKAI 2:12

Avaisü ah chang tumat naw, tehing ciah meh cu vawihpeh nak ungka la ne, a suinu awn hlawp ne law püi khäta, m’htut, buh, sapyit tui, situi la ei vai phung cu a suinu naw a tawn ah a kyak ung, cun gui cu theing tuk khai gui ang?” Acun ah ng’shi gui khäta taigü gui naw, “Ka nei” cik ci gui.

MATTHE 23:17

Chang she mik m’dauh gui ngai shüm vä, ghui ang, a küikyang pi, ghui theingthap sak ciah pum im ang a küikyang pi?

MATTHE 23:18

Chang tumat naw mangkyang awn m’kyuk ne ang phyun ung kä bä ci, mangkyang ah khan ah kaa, peit taak awn m’kyuk ne ang phyun vah bä ci,” nami cik ci.

MATTHE 23:20

Mangkyang awn m’kyuk ne ng’phyun ciah chang cu, mangkyang la ak khan ah om ci avan awn m’kyuk ne ng’phyun ciah kyak ci.